Адыгэ Республикэм и Красногвардейскэ район хьыкум уголовнэ Iоф къыфызэIуихыгъ илъэс 52-рэ зыныбжь бзылъфыгъэу Адыгэ Республикэм псауныгъэм икъэухъумэнкIэ икъэралыгъо бюджет учреждениеу «Красногвардейскэ гупчэ район сымэджэщыр» зыфиIорэм иврач шъхьаIэ экономическэ IофшIэнымкIэ игуадзэ.
Урысыем и Уголовнэ кодекс ия 159-рэ статья ия 3-рэ Iахь къыдилъытэрэ бзэджэшIагъэ ащ зэрихьагъ, иIэнатIэ къызфигъэфедэзэ, шхъухьэ ышIагъ.ЗэрагъэунэфыгъэмкIэ, И. Хь. Сэбанэкъом мы учреждением итерапевтическэ отделение медицинэ сестрау нэбгыритIу ыштагъэ фэдэу документхэр ыгъэпсыгъэх.КъызэрэчIэщыгъэмкIэ, ахъщэу а нэбгыритIумэ ацIэкIэ къакIорэр И. Хь. Сэбанэкъом ежь зэрэфаеу ыгъэфедэщтыгъ.Уголовнэ Iофыр къэзыIэтыгъэр ыкIи зэхэзыфыгъэр Урысыем и Следственнэ комитет Адыгэ РеспубликэмкIэ и ГъэIорышIапI.Адыгэ Республикэм и Красногвардейскэ хьыкум ышIыгъэ унашъом тетэу Урысыем и Уголовнэ кодекс ия 159-рэ статья ия 3-рэ Iахь диштэу И. Хь. Сэбанэкъом тазырэу сомэ мини 150-рэ тыралъхьагъ.