Мыекъуапэ иурамхэу Пролетарскэмрэ Прямоимрэ зыщызэхэкIыхэрэм гъогу хъугъэ-шIагъэ къытехъухьагъ, IэкIыб къэралым къыщашIыгъэ автомобилымрэ питбайкымрэ щызэутэкIыгъэх.
Мотоциклэм тесыгъэ Iэтахъохэм илъэс 14 аныбжь, Мыекъуапэ щыщых. Гукъау нахь мышIэми, гъогу хъугъэ-шIагъэм ыпкъ къикIэу зым идунай ыхъожьыгъ, адрэр сымэджэщым чIэлъ.Гъогу хъугъэ-шIагъэр зыщыхъугъэ чIыпIэм Урысыем хэгъэгу кIоцI IофхэмкIэ и Министерствэ иотделэу Мыекъуапэ щыIэм иследовательхэм Iоф щашIэ, аварием лъапсэ фэхъугъэр агъэунэфы.Мы чIыпIэм къекIолIагъэх АР-м хэгъэгу кIоцI IофхэмкIэ иминистрэу, генерал-майорэу Олег Безсмельницыныр ыкIи ащ игуадзэу, следственнэ гъэIорышIапIэм ипащэу Владимир Лавровыр.Мы мафэм ехъулIэу зэхэфынхэр макIох.АР-м хэгъэгу кIоцI IофхэмкIэ и Министерствэ ипресс-къулыкъу