Адыгэ Республикэм социальнэ ухъумэнымкIэ иIофышIэхэу лъытэныгъэ зыфэтшIыхэрэр!
Шъуисэнэхьат епхыгъэ мэфэкIымкIэ тышъуфэгушIо!Социальнэ IофышIэу лэжьэн зылъэкIыщтхэр а Iофым фытегъэпсыхьагъэхэр, щэIагъэ, гуфэбэныгъэ, гукIэгъу зиIэ цIыф хьалэлхэр ары. ЩыIэныгъэм чIыпIэ къин ригъэуцуагъэхэм мафэ къэс IэпыIэгъу шъузэрафэхъурэмкIэ, шъузэрафэгумэкIырэмкIэ дунаим шIур щышъогъэбагъо.Социальнэу дэеу ухъумагъэхэм гъунэ алъэшъофы, ахъщэ IэпыIэгъухэмрэ субсидиехэмрэ игъом аIэкIэшъогъахьэх, ветеранхэм, сэкъатыныгъэ, сабыибэ зиIэхэм, ны е ты зэрымысыжь унагъохэм IэпыIэгъу шъуафэхъу, чIыпIэ къин ифэгъэ кIэлэцIыкIухэм шъуишIуагъэ яшъогъэкIы. Зыныбжь хэкIотагъэхэри, сэкъатыныгъэ зиIэхэри, шъуигущыIэ фабэ зыпэжъугъохырэ пстэури лъэшэу къышъуфэразэх. Адыгэ Республикэм исоциальнэ лъэныкъо изегъэушъомбгъун шъуиIахьышIу зэрэхэшъушIыхьэрэр, социальнэ фэIо-фашIэхэр нахьышIоу гъэцэкIэгъэнхэмкIэ Iофышхо зэрэзэшIошъухырэр тинэрылъэгъу.Iофэу къыхэшъухыгъэм шъузэрэфэшъыпкъэмкIэ, гулъытэшхо зэрэшъуиIэмкIэ, цIыф хьалэлэу шъузэрэщытымкIэ лъэшэу тышъуфэраз. Iоф мыпсынкIэу, ау обществэм ищыкIэгъэ дэдэу щытыр гуетыныгъэ фышъуиIэу зэрэжъугъэцакIэрэм ипэгъокIэу шъукъэзыуцухьэрэ цIыфхэм гуфэбэныгъэ къышъуфыряIэнэу, лъытэныгъэ къышъуфашIынэу тышъуфэлъаIо!Ныбджэгъу лъапIэхэр, псауныгъэ пытэ, щыIэкIэ-псэукIэ дэгъу шъуиIэнэу, Адыгеим щыпсэухэрэм яфедэ зыхэлъ Iофэу жъугъэцакIэрэм гъэхъэгъакIэхэр тапэкIи щышъушIынэу шъуфэтэIо!Адыгэ Республикэм и ЛIышъхьэу, Урысые политическэ партиеу «Единэ Россием» и Адыгэ шъолъыр къутамэ и СекретарэуКъумпIыл МуратАдыгэ Республикэм и Къэралыгъо Совет — Хасэм и ТхьаматэуВладимир Нарожнэр