Мы аужырэ илъэситIум бзылъфыгъэ консультациеу 6 республикэм къыщызэIуахыгъ. Ахэм ащыщэу 5-р непэкIэ Iоф зышIэрэ медицинэ учреждениехэм атегъэпсыхьагъэу щытых, 1-р — Джэджэ районым щашIыгъэ модульнэ консультациер ары.
Мы илъэсым ыкIэм нэс джырэ уахътэм диштэрэ ащ фэдэ псэуалъэхэр къащызэIуахыщтых псэупIэу Яблоновскэмрэ Красногвардейскэ районымрэ. Ащ фэгъэхьыгъэу къытыгъ АР-м псауныгъэм икъэухъумэнкIэ и Министерствэ.Бзылъфыгъэхэмрэ ны хъунэу зызгъэхьазырхэмрэ япсауныгъэ изытет лъыплъэгъэнымкIэ къызфагъэфедэн алъэкIыщт Iэмэ-псымакIэхэмкIэ ахэр зэтегъэпсыхьагъэх. Узым игъэунэфынкIэ, УЗИ-хэр шIыгъэнхэмкIэ ящыкIэгъэщтхэр зэкIэ яIэх. Къалэу Мыекъуапэ иперинатальнэ гупчэ ащ фэдэ Iэмэ-псымакIэу 166-рэ къыIэкIэхьагъ.— Анахь шъхьаIэр яунэ пэмычыжьэу медицинэ IэпыIэгъу дэгъу къаратыным иамал яIэ зэрэхъугъэр ыкIи ящыIэныгъэкIэ анахь чэзыу шъхьаIэм яцыхьэ зытелъыжьыныр ары, — къытыгъ АР-м псауныгъэм икъэухъумэнкIэ и Министерствэ.