Псэу цIыфхэр зашъохэрэм епхыгъэ псэуалъэхэм яшIын ыкIи ягъэкIэжьын сомэ миллиардрэ миллион 787,2-рэ мы илъэсым Адыгеим щыпэIуагъэхьащт.
Ащ щыщэу сомэ миллиардрэ миллион 743,1-р федеральнэ ахъщ. АР-м финансхэмкIэ и Министерствэ къызэрэщаIуагъэмкIэ, сомэ миллиони 125,5-р атIупщыгъах.IофшIэнхэр къалэу Мыекъуапэ, Тэхъутэмыкъое, Красногвардейскэ, Мыекъопэ ыкIи Джэджэ районхэр ары зыщызэшIуахыщтхэр.Шъугу къэдгъэкIыжьын, федеральнэ проектэу «Псы къабз» зыфиIорэм къыдыхэлъытагъэу илъэсихым псым епхыгъэ псэолъэ 33-рэ кIэу агъэпсыгъ е икIэрыкIэу кIашIыкIыжьыгъ. Ащ нэмыкIэу инфраструктурэм ишIын фытегъэпсыхьэгъэ казначейскэ чIыфэмкIэ псы шIоим икIуапIэхэр поселкэу Инэм щашIых, псы къабзэм пае Мыекъуапэ щагъэпсы, поселкэу Дружнэм къычIэщыпIэ щагъэуцу.