ГандболымкIэ Урысыем и Суперлигэ икIэух едзыгъо аухыгъ.
Ащ щызэIукIагъэх къэралыгъом икомандэ анахь лъэшхэу «Ростов-Доныр» ыкIи ЦСКА-р. Мыхэм зэIукIэгъуитф яIагъ. Аужырэ ешIэгъоу Ростов-на-Дону щыкIуагъэм бысымхэр нахь щылъэшыгъэх, 34:24-у текIоныгъэр къыдахыгъ, сериер 3:2-у къахьыгъ.Ростовскэ клубым щешIагъ ыкIи Урысыем ичемпионкэ хъугъэ Мыекъопэ спортым илIыкIоу Екатерина Левша. Ащ иапэрэ лъэбэкъухэр спорт еджапIэу Джэнчэтэ СултIан ыцIэ зыхьырэм щишIыгъэх, ятэу Сергей Сухановыр атлетикэ псынкIэмкIэ зэлъашIэрэ тренер, спортымкIэ мастер пчъагъэ ыгъэсагъ.«Ростов-Доныр» бзылъфыгъэ командэ анахь лъэшхэм ащыщ, арышъ, ащ чIыпIэ щыуубытыныр къызэрыкIоп. Екатеринэ 2021-рэ илъэсым къыщегъэжьагъэу мыщ хэт, зэкIэмкIи гъогогъуищэ Урысыем ичемпионкэ хъугъэ, тапэкIи а пчъагъэм зэрэхигъэхъощтым тицыхьэ телъ.Екатеринэ, ащ иунагъо, зыгъэсагъэхэм тафэгушIо, тиспортсменкэ джыри нахь лъэгэпIэ инхэм анэсынэу фэтэIо. ГандболымкIэ Мыекъопэ еджапIэм спортсменкэ лъэшхэр ыгъэхьазырынхэ зэрилъэкIыщтыр ищысэкIэ тичIыгогъу пшъашъэ къыгъэлъэгъуагъ.