Тхылъеджэ цIыкIухэм шIуагъэ къафихьынэу

КIэлэцIыкIухэм якъэу­хъумэн и Дунэе мафэ станицэу Джаджэм дэт ­кIэлэцIыкIу тхылъ­еджа­пIэу агъэкIэжьы­гъэр къызэIуахыжьыгъ.

Лъэпкъ проектэу «Унагъор» зыфиIорэм ишIуагъэкIэ ар лъэ­хъаным къыздихьыгъэ амалы­шIухэр зиIэ модельнэ тхылъ­еджапIэ хъугъэ. Джы ащ гъэ­псэфыпIэ, цифрэ ыкIи интер­активнэ шIыкIэр агъэфедэзэ егъэджэнхэр зыщызэхащэщтхэ чIыпIэхэр, джэгупIэ иIэх. Егъэджэнхэр, мастер-классхэр, творческэ зэхахьэхэр щызэхэщэгъэнхэм ищыкIэгъэ пстэур, псэуалъэхэм къащегъэ­жьагъэу, пкъыгъо зэфэ­шъхьаф­хэм анэсыжьэу, къы­щыда­лъытагъ.ТхылъеджапIэм хэушъхьа­фыкIыгъэ чIыпIэ щеубыты экологием ишапхъэхэр зэрэбгъэцэкIэщтхэм, пыдзафэхэр зэрэзэхэдзыгъэнхэ фаем, нэмыкIэу чIыопсым узэрэфэсакъыщтым кIэлэцIыкIухэр фэзыгъэсэрэ интерактивнэ комплексэу «Экоша» зыфиIорэр. Ахэм анэмыкIэу тхылъ мини 4 ифонд къыхэхъуагъ.«КъыткIэхъухьэрэ лIэ­ужхэм шIэныгъэм, твор­чествэм нахь афэтщэнхэр мурад шъхьаIэу тиIэу тхылъеджапIэр дгъэ­кIэжьыгъ. Арышъ, ама­лыкIэу иIэ хъугъэр зэкIэ тхылъеджэ цIыкIухэмшIуагъэ къафихьэу гъэфе­дэгъэн фае. ТхылъеджапIэр ахэм шIу зэралъэгъущтым, район гупчэм ыкIи ащ къыпэIулъ псэупIэхэм адэсхэм зэкIэми культурнэ гупчэ зэрафэхъущтым сицыхьэ телъ», — къыхигъэщыгъ Адыгеим и ЛIы­шъхьэу, партиеу «Единэ Россием» ишъолъыр къута­мэ и Секретарэу ­КъумпIыл Мурат.