Партиеу «Единэ Россием» я 17-у пэшIорыгъэшъ мэкъэтыныр ригъэкIокIыгъ.
Къэралыгъом щыпсэурэ нэбгырэ миллионипшIымэ амакъэхэр атыгъэх. А пчъагъэм щыщэу Адыгеим-кIэ электроннэ пэшIорыгъэшъ мэкъэтыным хэлэжьагъэр нэбгырэ мин 17,5-рэ. УФ-м и Къэралыгъо Думэ ыкIи АР-м и Къэралыгъо Совет — Хасэм ядепутатхэм яхэдзынхэм партиер къыщызгъэлъэ-гъощт кандидатхэр ащ къыгъэнэфагъэх.Партиеу «Единэ Россием» и Тхьаматэу Дмитрий Медведевым къызэриIуагъэмкIэ, Къэралыгъо Думэм идепутат хъунхэмкIэ зэнэкъокъум зы чIыпIэм нэбгырэ 12 итыгъ, шъолъыр парламентхэм — нэбгыри 7.ПэшIорыгъэшъ мэкъэтыным хэлэжьэгъэ кандидатхэм, хэдзакIохэм ыкIи зэхэщакIохэм «Единэ Россием» и Адыгэ шъолъыр къутамэ афэраз.