УФ-м и Президент игукъэкIыкIэ 2025-рэ илъэсым щылэ мазэм и 1-м атIупщыгъэ лъэпкъ проектэу «Унагъор» блэкIыгъэ илъэсым Адыгеим чанэу щыпхыращыгъ ыкIи джырэ уахътэм ар лъагъэкIуатэ. Адыгеим цIыфышъхьэ пчъагъэм щыхэгъэхъогъэным ар фэIорышIэ.
2025-рэ илъэсым жъоныгъуакIэм и 1-м къыщыублагъэу сабыибэ зиIэ унэгъо ныбжьыкIэхэм зэтыгъо ахъщэ IэпыIэгъоу сомэ мин 300 Адыгеим щараты. Зыныбжь илъэс 35-м нэмысыгъэ ны-тыхэу ящэнэрэ е ащ къыкIэлъыкIорэ сабый къызфэхъухэрэм ар афатIупщы. А пIалъэм къыщегъэжьагъэу тыгъэгъазэм и 31-м нэс унэгъо 426-мэ ащ фэдэ IэпыIэгъу аратыгъ, ащ сомэ миллиони 127,8-рэ пэIухьагъ.2026-рэ илъэсым унэгъо 600-мэ зэтыгъо IэпыIэгъур аIукIэнэу агъэнафэ, ащ пае сомэ миллиони 180-рэ бюджетым къыхагъэкIыгъ. Мы уахътэм ехъулIэу унэгъуи 167-мэ социальнэ IэпыIэгъур аIукIагъ, ащ сомэ миллион 50,1-рэ пэIухьагъ.Ящэнэрэ ыкIи ащ къыкIэлъыкIорэ сабыйхэр ары ахъщэ IэпыIэгъум къыхиубытэхэрэр ыкIи Адыгеим ит ЗАГС-м щатхыгъэхэр.БэмышIэу депутатхэм джыри унэшъуакIэ аштагъ, ар студент унагъохэу сабый къызэрыхъохэрэм зэтыгъо IэпыIэгъоу сомэ мин 200 ятыгъэным фэгъэхьыгъ.