ЛIэшIэгъум ицIыф пэрытыгъ

Адыгэ Республикэм и Лъэпкъ тхылъеджапIэ щызэхащэгъэ Iофтхьабзэу «Человек-эпоха» зыфиIорэр зэлъашIэрэ политикэу, къэралыгъо IофышIэшхуагъэу, Урысыем ипартие анахьыжъхэм ащыщэу ЛДПР-м изэхэщэкIуагъэу ыкIи илъэс 30-м ехъум ащ ипэщагъэу, пшъэрылъ инхэр ХэгъэгумкIэ зэшIозыхыгъэхэ Владимир Жириновскэр къызы­хъу­гъэр илъэс 80 зэрэхъугъэм фэгъэхьыгъагъ.

Урысыем и Президентэу В. Путиным иунашъоу шэкIогъум и 6-м 2024-рэ илъэсым зыкIэтхагъэм къыщиIогъагъ В. Жириновскэр къызы­хъугъэ мафэр зэфэдэкIэ тикъэ­ралыгъо ичIыпIэхэм ащыхагъэу­нэфыкIыныр зэрищыкIагъэр ыкIи ар агъэцэкIагъ.Лъэпкъ тхылъеджапIэм мы мафэм хьакIабэ иIагъ: АКъУ-м тарихъымкIэ ифакультет истудентхэр, ЛДПР-м и Адыгэ шъо­лъыр къутамэ хэтхэр, АР-м и Къэралыгъо Совет — Хасэм идепутатхэр, Мыекъуапэ инароднэ депутатхэм я Совет хэт­хэм ащыщхэр, Росгвардием, ОМОН-м якъулыкъушIэхэр, тхылъеджапIэм иIофышIэхэр ыкIи нэмыкIхэри.

МэфэкI зэхахьэр къагъэ­баигъ В. В. Жириновскэм фэгъэхьыгъэ литературнэ къэгъэлъэгъоным ыкIи видеоматериалхэм. Лъэпкъ тхылъеджапIэм иеджэпIэ унэ ипащэу Марина Волковец В. В. Жириновскэм икъэхъукI, иеджэкIагъэр, гулъытэ чан дэдэ зэриIагъэр, Урысыер зэрилъэпIагъэр ыкIи Урысыем и Ли­беральнэ-демократическэ партие илъэс пчъагъэхэм къакIоцI, опсауфэ, зэрипэщагъэр, Хэгъэ­гумкIэ шъыпкъэгъэ ин зэ­рэхэлъыгъэр къыIотагъэх.В. В. Жириновскэр мэлылъфэгъум и 25-м 1946-рэ илъэсым Алма-Ата къыщыхъугъ, я 6-рэ сабыигъ. Янэу Александра Макаровар Мордовием щыщыгъ, ау сабыйхэр ыкIи ишъхьэгъусэу Андрей Васильевич Жириновскэр кIыгъоу Казахстан щы­­псэугъэх. Ау лIыр 1944-рэ илъэ­сым жъэгъэузым илIыкIыгъ.

Владимир ятэу Вольф Иса­акович Эндельштейн КъохьэпIэ Украинэм щыпсэущтыгъ. Жириновскэм ишъузабэ ащ къыщэ­жьыгъагъ, ау икIэлэцIыкIу къэ­хъугъэ къодыеу, ар рафи, Поль­шэм агъэкIогъагъ.Ежь Владимир ныбжьи ятэ шъыпкъэр ылъэгъугъэп, ау ылъа­псэкIэ, зэрэджуртыр ыушъэ­фыгъэп, ащкIэ къыIошхо щымы­Iагъэми. 1991-рэ илъэсым янэ-­ятэхэр зыщыщхэмкIэ зеупчIыхэм: «Сянэ — урыс, сятэ — юрист» къариIогъагъ, ар сэ­мэркъэум фэдэу пстэуми къащыхъугъагъ.2007-рэ илъэсым В. Жириновскэм итхылъэу «Мой отец» зыфиIорэр къыдигъэкIыгъ, ащ игущыIапэ щыкIигъэтхъыгъ ятэ ылъэгъугъэу, ныбжьи зэхихы­гъэу щымытми, сыдигъуи зэрэ­фэ­зэщы­щтыгъэр, илъэс 60-м зэ­рэдунаеу ащ зэрэщылъыхъугъэр.Владимир ятэ ылъэкъуацIэ илъэс 18 охъуфэ ыхьыгъ, ау апшъэрэ еджапIэм зыщычIэхьащтым ар ЖириновскэкIэ зэ­блихъужьыгъ. Ащ ищыIэныгъэ пытэу епхыгъагъ Московскэ къэралыгъо университетыр, етIанэ КъокIыпIэм щыпсэухэрэм абзэхэр зыщызэрагъэшIэрэ институтым чIэхьажьи, ари дэгъоу къыухыгъ. Инджылызыбзэр, французыбзэр, нэмыцыбзэр ыкIи тыркубзэр ышIэщтыгъэх. ШIэныгъэ куухэр IэкIэ­лъы­гъэх. 1970 — 1972-рэ илъэс­хэм дзэ къулыкъур Закавказскэ дзэ шъолъырым Тбилиси щихьыгъ. Мамырныгъэр ухъумэгъэнымкIэ советскэ комитетым ипрофсоюз движение и Апшъэрэ еджапIэ, СССР-м юстициемкIэ и Минис­терствэ июридическэ коллегие Iоф ащишIагъ. 1977-рэ илъэсым Жириновскэм дэгъу дэдэкIэ пчыхьэ еджэныр МТУ-м июридическэ факультет къыщиухыгъ. Доктор диссертациер темэу «Прошлое, настоящее и будущее русской нации (социально-философский анализ)» къыгъэшъыпкъэжьыгъ.1989-рэ илъэсым тыгъэгъазэм и 13-м Либеральнэ-демокра­тическэ партиер зэхэщэгъэнымкIэ агъэнэфэгъэ купым хэтыгъ ыкIи ащ купкI фэхъугъэр В. Жириновскэм ипрограмм ары.Мэлылъфэгъум 1992-рэ илъэ­сым «Либерально-демократи­ческая партия Советского Сою­за» зыфиIощтыгъэр общест­веннэ-политическэ организациеу «Либерально-демократическая партия России» хъугъэ.В. Жириновскэр УФ-м и Къэ­ралыгъо Думэ идепутатыгъ, фракциеу ЛДПР-м ипэщагъ.Ар ихэгъэгу фэшъыпкъагъ, фишIэрэр шIомакIэу щыIагъ, акъылышхо къолъыгъ, узкIырыплъын политикышхуагъ.АР-м и Лъэпкъ тхылъеджапIэ къыщызэIукIагъэхэм ахэтыгъэх муниципальнэ гъэпсыкIэ зиIэу «Къалэу Мыекъуапэ» инароднэ депутатхэм я Совет хэтэу Пэ­нэшъу Заур.АР-м и Къэралыгхо Совет — Хасэм идепутатэу, фракциеу ЛДПР-м ипащэу Шэуджэн Тембот 2017-рэ илъэсым В. Жириновскэм зэрэIукIэгъагъэр, ащ дэжьым зэрэныбжьыкIагъэр, ау лIы гъэсагъэр чыжьэрыплъэу, Iушэу зэрэщытым гу зэрэлъитагъэр, узкIырыплъынэу зэрэщытыгъэр кIэкIэу къыIотагъ.ГущыIэр ыштагъ АР-м и Къэ­ралыгъо Совет — Хасэм иде­путатэу, ЛДПР-м АдыгеимкIэ икъутамэ икоординаторэу Евгений Груниным. Ащ зэкIоу, зэгъэфагъэу щыIэныгъэр, цIыф­хэр изылъэгъукIыщтыгъэ Влади­мир Жириновскэр зыфэдагъэм къытегущыIагъ. УзгъэдэIон ыкIи узлъы­зыщэн зылъэкIэу зэрэщытыгъэр, шIэныгъэшхо, шъыпкъа­гъэ зэ­рэ­къолъыгъэр, Урысыер зэ­ри­лъэпIагъэр ащ кIигъэтхъыгъ.МэфэкI Iофтхьабзэм АдыгеимкIэ партиеу ЛДПР-м хэт нахьыжъхэри ягуапэу хэлэжьагъэх, Жириновскэр лъэпкъхэм зэрафэшъыпкъагъэр, зэрэгукъэ­бзагъэр пстэуми кIагъэтхъыгъ.МэфэкIым хэлэжьагъ ыкIи къы­щыгущыIагъ ЛДПР-м хэтэу, Шэуджэн районым инароднэ де­путатхэм я Совет хэтэу В. Селезневыр. Урысыер зилъэпIагъэу, Iофыр зикIэсагъэу В. Жириновскэм игупшысэ зэрэлажьэрэр, зэрэлъыкIуатэ­рэр, тихэгъэгу зэрэпытэрэр зэ­­кIэми къыхагъэщыгъ.Мамырыкъо Нуриет.