ХэдзынхэмкIэ Гупчэ комиссиер
2026-рэ илъэсым жъоныгъуакIэм и 31-м Адыгэ Республикэм хэдзынхэмкIэ и Гупчэ комиссие итхьаматэу Сэмэгу Нурбый Урысые Федерацием хэдзынхэмкIэ и Гупчэ комиссие и Тхьаматэу Элла Памфиловам IофшIэгъу зэIукIэгъу Москва щыдыриIагъ.
Iофыгъо шъхьаIэу зытегущыIагъэхэр Урысые Федерацием и Федеральнэ ЗэIукIэ и Къэралыгъо Думэ иябгъонэрэ зэIугъэкIэгъу идепутатхэм яхэдзын, джащ фэдэу шъолъыр ыкIи чIыпIэ хэдзынхэу а лъэхъаным щыIэщтхэм языфэгъэхьазырын.Адыгэ Республикэм икъэралыгъо хабзэ ыкIи чIыпIэ зыгъэIорышIэжьынымкIэ икъулыкъухэм зэдэлэжьэныгъэу зэдыряIэщтым, хэдзакIохэм къэбарыр алъыгъэIэсыгъэным, хэдзынхэм язэхэщакIохэр гъэхьазырыгъэнхэм, хэдзынхэм ахэлажьэхэрэр щынэгъончъэнхэм япхыгъэ Iофыгъохэм ахэр атегущыIагъэх.ЗэIукIэгъум икIэуххэм атегъэпсыхьагъэу Элла Александр ыпхъум хигъэунэфыкIыгъ Адыгэ Республикэм ис цIыфхэм хэдзынхэмкIэ фитыныгъэу яIэхэр зэшIохыгъэнхэмкIэ хэдзэкIо комиссие-хэм япшъэрылъхэр гъэцэкIагъэ хъунхэм Нурбый Амэрбый ыкъор IэпэIэсэныгъэ ин хэлъэу зэрякIуалIэрэр.