«Полярис-Адыгея» зыфиIорэр кIэщакIо зыфэхъугъэ яблэнэрэ Гъэмэфэ спорт еджапIэр мэкъуогъум и 2-м къыщегъэжьагъэу и 22-м нэс тиреспубликэ щыкIощт.
Илъэс къэс зэхащэрэ Iофтхьабзэм Адыгеим имызакъоу, нэмыкI шъолъырхэм ащыпсэурэ ныбжьыкIэ чанхэр зэрепхых.ЗэхэщакIохэм программэ гъэшIэгъон къагъэхьазырыгъ, ащ спортыр игупчэу щыт. НыбжьыкIэхэм кушъхьэфэчъэ спортымкIэ, теннис цIыкIумкIэ, волейболымкIэ, баскетболымкIэ ыкIи лазертагымкIэ заушэтыщт.
«Полярис-Адыгея» зыфиIорэм лъэныкъоу спортым мэхьанэшхо щеубыты. Ащ сэнаущыгъэ зыхэлъ ныбжьыкIэхэр, зэнэкъокъухэм текIоныгъэ ыкIи хагъэунэфыкIырэ чIыпIэхэр къащыдэзыхыгъэхэр, хэшыпыкIыгъэ командэхэм ахэтхэр, спорт еджапIэхэм ачIэсхэр зэфещэх. Адыгеим итренер анахь дэгъухэмрэ экспертэу къырагъэблэгъагъэхэмрэ мастер-классхэр зэхащэх.Спортым дакIоу ныбжьыкIэхэм лъэныкъо зэфэшъхьафхэмкIэ заушэтын, яшIэныгъэхэм ахагъэхъон алъэкIыщт.