Росгвардием и ГъэIорышIапI
Мыекъуапэ имэрие щылажьэхэрэм ащыщхэм Росгвардием Адыгэ РеспубликэмкIэ и ГъэIорышIапIэ иIофышIэхэу тиреспубликэ пэчыжьэу дзэ къулыкъур зыхьыхэрэм гъэзет IапIэ афарагъэщагъ.
ДзэкъулыкъушIэхэр ячIыгу гупсэ зэрэфэзэщыхэрэр къыдилъытэзэ, ахэм агу къыIэтызэ, зигугъу къэтшIыгъэ гъэIорышIапIэм хэушъхьафыкIыгъэ дзэ операциер зыщыкIорэ чIыпIэм гъэзетхэу «Майкопские новости», «Советскэ Адыгеир», «Адыгэ макъэр» ренэу IэкIегъахьэх.«Интернетым икъоу Iоф зыщимышIэрэ лъэхъаным тичIыгу гупсэ къытфырахырэ гъэзетхэм лъэшэу тащэгушIукIы. Ахэм тыгу къаIэты, гъэхъагъэхэр зэрэтшIыщтымкIэ, текIоныгъэр къызэрэдэтхыщтымкIэ тишIошъхъуныгъэ агъэпытэ. Къалэу Мыекъуапэ иадминистрациерэ республикэ гъэзетхэм яредакциехэмрэ «тхьэшъуегъэпсэу» ятэIо зэпымыоу гъэзетхэр къызэрэтIэкIагъахьэрэм, тиреспубликэ къыщыхъухэрэм защыдгъэгъозэнэу амал зэрэтагъэгъотырэм апае!» — къаIуагъ дзэкъулыкъушIэхэм видео атырах зэхъум.