ПшъэдэкIыжьэу ыхьырэмкIэ гъунэпкъэ гъэнэфагъэ зиIэ обществэу «ЭкоЦентрэм» и Адыгэ шъолъыр къутамэ квитанциер электроннэ шIыкIэм тетэу къыфагъахьыныр къыхэзыхыгъэхэм афызэхищэгъэ зэнэкъокъум икIэух зэфихьы— сыжьыгъ.
Гъэтхэпэ мазэм апэрэу ащ фэдэ шIыкIэр къыхэзыхыгъэхэм апае Iофтхьабзэр рагъэжьагъ. Мэлылъфэгъум Адыгеим щыпсэоу нэбгырэ 95-мэ «электроннэ квитанциер» къыхахыгъ.ТекIоныгъэр къыдэзыхыгъэм экологием ишапхъэхэр ыгъэцакIэхэзэ чIыопсым зыщигъэпсэфыным фытегъэпсыхьэгъэ матэ ратыгъ.Адыгэ шъолъыр къутамэм иIофышIэхэм къызэрэхагъэщырэмкIэ, электроннэ шIыкIэм тетэу квитанциер къыфэкIонэу къыхэзыхыхэрэм япчъагъэ хэхъо. Ащ фэдэ тхылъым хэкIым идэщын ыуасэу къалъытагъэр зыфэдизыр зэкIэмэ апэу къыплъыIэсын амал къеты, пэIудзыгъэ шIыкIэм тетэу ахъщэр птыщт, квитанциер кIодыщтэп, узыщыфаем къызэIупхынышъ уеплъын, бгъэфедэн плъэкIыщт.Iофтхьабзэр лъэкIуатэ, электроннэ шIыкIэр зыгъэфедэхэрэм мазэ къэс ар афызэхащэщт. Компанием иинтернет нэкIубгъо е уипсэупIэ зэпхыгъэ офисым «электроннэ квитанциер» ащыбгъэпсын плъэкIыщт.«ЭкоЦентрэм» и Адыгэ шъолъыр къутамэ ипресс-къулыкъу.