Къалэу Мыекъуапэ щыпсэурэ илъэс 35-рэ зыныбжь Денис Егоркиным уголовнэ Iоф къыфызэIуихыгъ Теуцожь район хьыкумым. Урысыем и Уголовнэ кодекс ия 282.4-рэ статья иа 1-рэ Iахь къыдилъытэрэ бзэджэшIагъэ ащ зэрихьагъ: нацист тамыгъэхэр пропагандэ ышIыщтыгъэх.
Урысыем и Следственнэ комитет Адыгэ РеспубликэмкIэ и Следственнэ гъэIорышIапIэ уголовнэ Iофэу къыIэтыгъэм Урысыем и ФСБ Адыгэ РеспубликэмкIэ и ГъэIорышIапIэрэ экстермизмэм пэуцужьыгъэнымкIэ Гупчэмрэ яIофышIэхэм оперативнэ-лъыхъон Iофтхьабзэу зэрахьагъэхэм афэхъугъэ кIэуххэр ары лъапсэ фэхъугъэхэр.ЗэрагъэунэфыгъэмкIэ, 2025-рэ илъэсым Iоныгъомрэ шэкIогъумрэ Урысыем хэгъэгу кIоцI IофхэмкIэ и Министерствэ икъэлэ къутамэ иизолятор пIэлъэ гъэнэфагъэкIэ ар зычIагъэтIысхьэм нацист тамыгъэу ыIэ тешIыхьагъэр зэкIэми аригъэлъэгъущтыгъ щыгушIукIызэ.Хьыкумым ышIыгъэ унашъом тетэу Д. О. Егоркиным пхъашэу зыщалъыплъэхэрэ колонием илъэсрэ мэзи 10-рэ щигъэкIощт.