Республикэ наркологическэ диспансерым иIэзапIэ пэщэныгъэ дызезыхьэщтыгъэм ылъэныкъокIэ Адыгеим уголовнэ Iоф къыщызэIуахыгъ.
Урысыем щынэгъончъэнымкIэ и Федеральнэ къулыкъу Адыгэ РеспубликэмкIэ и ГъэIорышIапIэ иIофышIэхэм зэшIуахыгъэ оперативнэ-лъыхъон Iофтхьабзэхэм яшIуагъэкIэ, Урысыем и Уголовнэ кодекс ия 290-рэ статья ия 5-рэ Iахь ипунктэу «а-м» тегъэпсыхьагъэу уголовнэ Iоф ащ къыфаIэтыгъ къуалъхьэ къызэраIихыщтыгъэм фэшI.ЗэрагъэунэфыгъэмкIэ, отделением пэщэныгъэ дызезыхьэрэ бзылъфыгъэм наркологическэ учетым хэтхэр хэбзэнчъэу къыхитхыкIыжьыхэти, справкэ аритыщтыгъ ыкIи ащ пае къуалъхьэ къаIихыщтыгъ.ГущыIэм пае, 2021-рэ илъэсым щылэ мазэм къыщегъэжьагъэу 2026-рэ илъэсым щылэ мазэм нэс нэмыкI IофышIэхэу диспансерым Iутхэри къызфигъэфедэхэзэ, нэбгыри 4-у учетым хитхыкIыжьыгъэхэм сомэ мин 50 фэдиз къаIихыгъ.Мы лъэхъаным бзэджэшIагъэм ушъхьагъу фэхъугъэхэм язэхэфын макIо.