Красногвардейскэ район хьыкумыр «Урысые почтэм» иIофышIэу илъэс 48-рэ зыныбжь бзылъфыгъэм иIоф хэплъагъ.
Елена Ермаковар Урысыем и Уголовнэ кодекс ия 160-рэ статья ия 3-рэ Iахь къыдэлъытэгъэ бзэджэшIагъэр зэрихьагъэу агъэмысагъ. ЗэрагъэунэфыгъэмкIэ, «Урысыем ипочтэ» щылажьэзэ, селоу Красногвардейскэм щыпсэухэрэм афахьынэу къэкIогъэ пенсиехэмрэ социальнэ ахъщэ тынхэмрэ ыштэхи, ежь зэрэфаеу ыгъэфедагъ.ЩынэгъончъэнымкIэ Федеральнэ къулыкъум АР-мкIэ и ГъэIорышIапIэ къыугъоигъэ материалхэм къапкъырыкIызэ, АР-м хэгъэгу кIоцI IофхэмкIэ и Министерствэ уголовнэ Iоф къызэIуихи, зэхэфынхэр зэхищэгъагъэх.Красногвардейскэ район хьыкумым Елена Ермаковар мысэу ылъытагъ ыкIи Урысыем и Уголовнэ кодекс ия 160-рэ статья ия 3-рэ Iахь къызэрэщыдэлъытагъэм тетэу, илъэси 2 хьапс условнэ шIыкIэм тетэу тырилъхьагъ.