БзэджэшIагъэ зезыхьагъэхэм пшъэдэкIыжь ягъэхьыгъэнымкIэ Федеральнэ къулыкъум АР-мкIэ и ГъэIорышIапIэ иIофышIагъэм иIэнатIэ къызфигъэфедэзэ наркотикхэр зэрэIуигъэкIыщтыгъэхэм фэшI хьыкумыр иIоф хэплъэщт.
Урысыем и Следственнэ комитет иследственнэ гъэIорышIапIэ шъолъырым ит хьапсхэм ащыщ иIофышIэ Уголовнэ кодексым ия 228.1-рэ статья ия 4-рэ Iахь ипунктэу «б-м» къыдэлъытэгъэ бзэджэшIагъэр зэрихьагъэу егуцафэу уголовнэ Iоф къыфызэIуихи, зэхэфынхэр кIуагъэх. Ащ иIэнатIэ къызфигъэфедэзэ наркотикхэр IуигъэкIыщтыгъэх.ЩынэгъончъэнымкIэ ыкIи бзэджэшIагъэ зезыхьагъэхэм пшъэдэкIыжь ягъэхьыгъэнымкIэ Федеральнэ къулыкъухэм яшъолъыр ГъэIорышIапIэхэм оперативнэ-лъыхъон IофшIэнэу зэшIуахыгъэхэмкIэ материалэу къагъэхьазырыгъэхэм къапкъырыкIыхэзэ уголовнэ Iофыр къызэIуахыгъ.ЗэрагъэунэфыгъэмкIэ, 2026-рэ илъэсым игъэтхэпэ мазэ бзэджэшIагъэр зезыхьагъэу агъэмысагъэм хьапсым къулыкъу щихьызэ, ащ чIэсхэм ащыщ къэкIыхэрэм ахэшIыкIыгъэ наркотикэу сомэ мин 20 зыуасэр ыщэфынэу предложение къыфихьыгъ. Банкым икартэ ахъщэр къызыфырагъахьэм ыуж, гъэбылъыгъэкIэ наркотикыр хьапсым дищагъ. ХэбзэухъумакIохэм ащ къыщаубытыгъ.Къулыкъум щигъэфедэщтыгъэ автомашинэр следовательхэм къызалъыхъум грамм 16,5-рэ хъурэ наркотик къырахыгъ.Имысагъэ къэзыушыхьатырэ уголовнэ Iофым хьыкумыр хэплъэнэу агъэхьыгъ.