Террористическэ актхэм ягъогупэ мэшIокугъогу транспортым зэрэщыпабзыкIыщт шIыкIэм зыщыфагъэсэгъэхэ егъэджэнхэр Адыгэ Республикэм иоперативнэ штаб бэмышIэу Мыекъуапэ щызэхищагъэх. Ахэр зыфытегъэпсыхьэгъагъэхэр терроризмэмрэ экстремизмэмрэ апэуцужьыгъэнымкIэ амалэу зэрахьащтхэр гъэнэфэгъэнхэр ары.
Террористическэ акт зэрахьаным ищынагъо щыIэ зыхъукIэ, къулыкъухэм макъэ зэрэзэрагъэIужьын фэе, терроризмэм Адыгеим щебэныжьыгъэнымкIэ оперативнэ штабым амалэу иIэхэр зэрагъэфедэн фэе шIыкIэм мыщ зыщыфагъэсагъ.Къэбархэм яуплъэкIункIэ шIэныгъэу, къулайныгъэу яIэхэм уасэ къафашIыгъ, террористическэ акт зэрахьаным ищынагъо къызыпкъырыкIыхэрэм ядэгъэзыжьынкIэ Iофтхьабзэу зэрахьащтхэр агъэнэфагъэх.ЩынэгъончъэнымкIэ Федеральнэ къулыкъум Адыгэ РеспубликэмкIэ и ГъэIорышIапIэ, Адыгеим хэгъэгу кIоцI IофхэмкIэ и Министерствэ, пщыныжь ягъэхьыгъэнымкIэ Федеральнэ къулыкъум Адыгэ РеспубликэмкIэ и ГъэIорышIапIэ, Росгвардием Адыгэ РеспубликэмкIэ и ГъэIорышIапIэ, Урысыем ошIэ-дэмышIэ IофхэмкIэ и Министерствэ Адыгэ РеспубликэмкIэ и ГъэIорышIапIэ ялIыкIохэр, яподразделениехэр Iофтхьабзэм хэлэжьагъэх.Урысыем щынэгъончъэнымкIэ и Федеральнэ къулыкъу Адыгэ РеспубликэмкIэ и ГъэIорышIапIэ сакъынхэ зэрэфаер цIыфхэм агу къегъэкIыжьы. ЦыхьэшIэгъуджэ цIыфхэм, зыми имые пкъыгъохэу (Iалъмэкъхэу ыкIи ахэм яхьыщырхэу) къагъотыгъэхэм, къагъэорэ пкъыгъохэр зэрылъын ылъэкIыщт автотранспортэу зиер амышIэрэм анаIэ атырадзэнэу игъо афелъэгъу.Диверсионнэ-террористическэ акт зэрахьанэу загъэхьазырэу зызэхэшъухыкIэ:— ащ лъыпытэу хэбзэухъумэкIо къулыкъухэм ащкIэ макъэ яжъугъэIу;— диверсионнэ-террористическэ акт зыщызэрахьан алъэкIыщт чIыпIэм цIыфхэмрэ транспортымрэ IумытынхэмкIэ шъуфэлъэкIыщтыр зэкIэ шъушIэ;— щынэгъончъэ чIыпIэ къыхэшъухи, оперативнэ-следственнэ купыр къэсыфэ шъуеж.Гуцаф шъозыгъэшIырэ пстэумкIи хэбзэухъумэкIо къулыкъухэм яIофышIэхэм псынкIэу макъэ яжъугъэIунэу, ахэм IэпыIэгъу шъуафэхъунэу тышъолъэIу.Сакъыныгъэ къызыхэжъугъафэмэ, шъушъхьи, къышъупэблагъэхэри къэшъуухъумэн зэрэшъулъэкIыщтыр зыщышъумыгъэгъупш.
Адыгэ Республикэм иоперативнэ штаб иаппарат.