Адыгэ Республикэм щыпсэухэу лъытэныгъэ зыфэтшIыхэрэр!
КIэлэцIыкIухэм якъэухъумэн и Дунэе мафэ фэшI тышъуфэгушIо!Мы мэфэкIым джыри зэ цIыфхэм агу къегъэкIыжьы кIэлэцIыкIухэм щынэгъончъэ щыIэкIэшIу яIэн, ахэм тынаIэ ренэу атетын зэрэфаер.КIэлэцIыкIугъор — нэбгырэ пэпчъ ищыIэныгъэ къыхэфэрэ охътэ гъэшIэгъон. Дунаир инэу ыкIи гъэшIэгъон зэфэшъхьафыбэ ащ къыщыхъоу ары зэрилъытэрэр. КIэлэцIыкIум исабыигъом къыщегъэжьагъэу шIум, бзэджагъэм, зэкъошныгъэм ыкIи пшъэдэкIыжьым япхыгъэ апэрэ зэхэшIыкIыныгъэхэр къыIэкIэхьэх.А лъэхъаным ны-тыхэм пшъэрылъэу яIэр сабыим ипIункIэ зэгурыIоныгъэ ахэлъыныр, яшIулъэгъуи, ягукIэгъуи алъагъэIэсыныр, гъэсэныгъэ арагъэгъотыныр, тихэгъэгушхо епэсыгъэ цIыф дэгъу ахэр хъунхэм дэлэжьэнхэр ары.Хэгъэгум шIуагъэ къыфэзыхьын зылъэкIыщт цIыфыр пIугъэныр лъэныкъуабэ къызхиубытэрэ пшъэрылъышхоу щыт: псауныгъэ пытэ иIэу ар къэтэджыныр, гъэсэныгъэ егъэгъотыгъэныр, цIыфыгъэ шэпхъэ дахэхэм арыгъозэшъунэу гъэсэгъэныр. Нахьыжъхэр алъытэнхэу, я Хэгъэгу шIу алъэгъунэу, шIэныгъэхэм афэблэнхэу, обществэм шIуагъэ къыфахьын алъэкIынэу ахэр пIугъэнхэм мэхьанэшхо иI. А лъэныкъохэр зэкIэ къыдэтлъытэхэмэ, Адыгеири ти Хэгъэгушхоу Урысыери зэрыгушхонхэ алъэкIыщт, цIыф лъэпкъ зэфэшъхьафхэм къахэкIыгъэхэу тикъэралыгъо щыпсэухэрэм яхэбзэ шIагъохэр лъызгъэкIотэн зылъэкIыщт цIыфхэу ахэр къэтэджыщтых.ТичIыпIэгъу лъапIэхэр, гъэмафэм иапэрэ мафэ зэкIэми тышъуфэлъаIо псауныгъэ, насып, щыIэкIэшIу шъуиIэнэу. Республикэм ис кIэлэцIыкIу пстэуми тафэлъаIо псауныгъэ пытэ яIэнэу, гъэмэфэ гъэпсыфыгъохэр дэгъоу агъэкIонхэу, насыпышIонхэу, щыIэкIэшIу яIэнэу!Адыгэ Республикэм и ЛIышъхьэу, Урысые политическэ партиеу «Единэ Россием» и Адыгэшъолъыр къутамэ и Секретарэу КъумпIыл МуратАдыгэ Республикэм и Къэралыгъо Совет — Хасэм и Тхьаматэу Владимир Нарожнэр