СамбэмкIэ я XX-рэ Урысые зэнэкъокъухэр къалэу Саратов щыкIуагъэх. СамбэмкIэ федерацием ивице-президентэу С.Р. Ахмеровым ишIэжь фэгъэхьыгъэ турнирым илъэс 14 — 16 зыныбжь спортсмен анахь лъэшхэм зыщаушэтыгъ.
СамбэмкIэ республикэ еджапIэм зыщызыгъэсэрэ ЦIыкIу Аскэр техникэ дэгъу къыгъэлъэгъуагъ, зэнэкъокъум текIоныгъэр къыщыдихыгъ. Ащ идышъэ медаль спортым ылъэныкъокIэ шъолъырым гъэхъагъэу иIэхэм ахегъахъо. Аскэррэ ащ итренерхэмрэ тафэгушIо, спортсмен ныбжьыкIэр лъэгэпIэ инхэм анэсынэу фэтэIо.