ЕджапIэм икъычIэтIупщыгъу

Олимпийскэ резервым испорт еджапIэу Владимир Максимовым ыцIэ зыхьырэм мэхьанэшхо зиIэ Iофтхьабзэ щыкIуагъ — баскетболым иотделение зыщызыгъэсагъэхэу, ар къэзыухыгъэхэр къы­чIатIупщыгъэх. Мыщ фэгъэхьыгъэ зэхахьэм хэлэжьагъэх тренерхэр, ны-тыхэр, спортсменхэр ыкIи хьакIэхэр. 2008 – 2009-рэ илъэс­хэм къэхъугъэхэм еджэныр къызэраухыгъэмкIэ аттестатхэр къаратыжьыгъэх. Ахэм аужырэ баскетбольнэ одыджыныр къафытеуагъ. ЕджапIэр къэзыухыгъэхэм къафэгушIуагъэх ыкIи гъогу мафэ техьанхэу къафэлъэIуагъэх Мыекъуапэ инароднэ депутатхэм я Совет илIыкIохэу Джарымэкъо Азмэтрэ Светлана Мекеровамрэ.Мы мэфэ дэдэм 2017 — 2018-рэ илъэсхэм къэхъугъэхэр бас­кетболистхэм ясатыр хагъэхьа­гъэх. Ахэм яспорт гъогу рагъэжьэ къодый, ау гъэхъэгъэшIухэр зэрашIыщтхэм яцыхьэ телъ.