Адыгэ Республикэм щыпсэурэ быслъымэнхэу лъытэныгъэ зыфэтшIыхэрэр!Къурмэн мэфэкIымкIэ тышъуфэгушIо!
Ислъам диным имэфэкI шъхьаIэхэм зэу ащыщыр шIушIэным, гукIэгъу ахэлъыным, гур къэбзэным, къапэблагъэхэм афэгумэкIынхэм къафэджэ. ТхьэшIошъхъуныгъэ зиIэхэр ащ нахь зэкъуегъэуцох, лъытэныгъэ зэфыряIэным, унэгъо хабзэхэр къэухъумэгъэнхэм, лъэпкъ, дин зэгурыIоныгъэм тиобществэ зыщегъэушъомбгъугъэным ар афэIорышIэ.Адыгеим ибыслъымэнхэм Адыгэ Республикэм нэмыкI динхэр щызылэжьыхэрэм ягъусэхэу гъэсэныгъэм епхыгъэ программэхэм ягъэцэкIэн, социальнэ проектхэм япхырыщын яIахьышхо хашIыхьэ, шIушIэн Iофхэм чанэу ахэлажьэх, мамырныгъэмрэ зэгурыIоныгъэмрэ обществэм щызыгъэпытэрэ кIочIэ шъхьаIэу щытых.ШIуагъэ къытэу шъузэрэлажьэрэм, лъэпкъыбэ зыщыпсэурэ, дин зэфэмыдэхэр зыщалэжьырэ тиреспубликэрэ хэгъэгумрэ языкIыныгъэ игъэпытэн тегъэпсыхьэгъэ Iофэу къетхьыжьэхэрэм къызэрадежъугъаштэрэм афэшI Адыгэ Республикэмрэ Пшызэ шъолъыррэ ащыпсэурэ быслъымэнхэм я ДиндэлэжьапIэ лъэшэу тызэрэфэразэр къэтэIо.Шъуинэмазрэ шъуикъурмэнрэ Тхьэм къабыл ешI, шъугухэм гушIуагъорэ нэфрэ къарерэлъхь! Унагъо пэпчъ зэгурыIоныгъэрэ зэдегъэштэныгъэрэ ерэлъ!Быслъымэнхэми, республикэм щыпсэурэ пстэуми псауныгъэ пытэ, щыIэкIэ-псэукIэшIу, насып яIэнэу, Адыгеими, Урысыеми апае яIофшIэн гъэхъагъэхэр щашIынэу тафэлъаIо!Адыгэ Республикэм и ЛIышъхьэу, Урысые политическэ партиеу «Единэ Россием» и Адыгэ шъолъыр къутамэ и СекретарэуКъумпIыл МуратАдыгэ Республикэм и Къэралыгъо Совет — Хасэм и ТхьаматэуВладимир Нарожнэр