Адыгэ Республикэм и Къэралыгъо Совет — Хасэм ия 57-рэ зэхэсыгъо 2026-рэ илъэсым жъоныгъуакIэм и 28-м зэIуагъакIэ.
Зэхэсыгъом щатегущыIэнхэу мыщ фэдэ Iофыгъохэр агъэнэфагъэх: къыкIэлъыкIорэ законопроектхэм апэрэу ахэплъэгъэныр: «Адыгэ Республикэм и Закон заулэмэ зэхъокIыныгъэхэр афэшIыгъэнхэм фэгъэхьыгъ», «Адыгэ Республикэм и Закон заулэмэ ыкIи иположение заулэмэ кIуачIэ ямыIэжьэу лъытэгъэным фэгъэхьыгъ», «1941 — 1945-рэ илъэсхэм щыIэгъэ Хэгъэгу зэошхом илъэхъан советскэ цIыфхэм геноцидэу адызэрахьагъэм ыпкъ къикIыкIэ хэкIодагъэхэм яшIэжь хэмыкIокIэжьыным пае Адыгэ Республикэм икъэралыгъо хабзэ икъулыкъухэм яполномочиехэр зэтеутыгъэнхэм ехьылIагъ» зыфиIохэрэм; Адыгэ Республикэм и Законхэу къыкIэлъыкIохэрэм зэхъокIыныгъэхэр афэшIыгъэнхэ: «Адыгэ Республикэм муниципальнэ къулыкъур зэрэщызэхэщагъэм ехьылIагъ», «Адыгэ Республикэм ихьыкумышIхэм яквалификационнэ коллегие общественностым илIыкIохэр зэрэхэтыщтхэм ехьылIагъ», «ЦIыфхэмрэ хьылъэхэмрэ такси псынкIэхэмкIэ зэрэзэращэхэрэм иIофыгъо заулэхэм язэшIохын ехьылIагъ» зыфиIохэрэр ыкIи нэмыкI Iофыгъохэр.Адыгэ Республикэм и Къэралыгъо Совет — Хасэм изэхэсыгъо Адыгэ Республикэм и ЛIышъхьэ и Координационнэ гупчэу Жуковскэм иурам тет унэу N 22-м хэтым пчэдыжьым сыхьатыр 10-м щаублэщт.Адыгэ Республикэм и Къэралыгъо Совет — Хасэм и ТхьаматэуВладимир Нарожнэр