Пэрытмэ ясатыр хэт

Адыгеим и ЛIышъхьэу КъумпIыл Мурат Адыгэ Республикэм ими­нистрэхэм я Кабинет и Тхьаматэ игуадзэу, АР-м цифрэ, къэбар­лъыгъэIэс, телекоммуникационнэ технологиехэмкIэ иминистрэу Шыу Заурбэч республикэм и Правительствэ зычIэт унэм IофшIэгъу зэIукIэгъу щыдыриIагъ.

Министерствэм ипащэ гъэ­рекIо Iофэу ашIагъэмкIэ, ­лъэпкъ проектэу «Экономика данных и цифровая трансформация государства» зыфиIорэм диштэу цифрэ технологиехэр тишъолъыр зэрэщагъэфе­дэ­хэрэмкIэ зэфэхьысыжьхэр къы­шIыгъэх.ЦифровизациемкIэ зэгъэпшэн­хэм якIэуххэм атетэу Адыгеир непэкIэ шъолъыр пэрыти 10-мэ зэрахэхьагъэр Iофтхьабзэм щыхагъэунэфыкIыгъ.Адыгеим и ЛIышъхьэ министерствэхэмкIи, къулыкъухэмкIи, цIыф къызэрыкIохэмкIи Iофэу зэшIуахыгъэм мэхьанэшхо зэриIэр шъхьафэу къыхигъэщыгъ.«Цифровизациер шъхьэ­Iоф мурадэу щытын фаеп. Республикэм щыпсэухэрэм электрон фэIо-фашIэхэр икъоу къызфагъэфедэн, ящыкIэгъэ IэпыIэгъур хэбзэ ыкIи чIыпIэ зыгъэIорышIэжьын къулыкъухэм афагъэцэкIэн алъэкIыным тэркIэ мэхьанэшхо иI. Экономикэм, бизнесым, медицинэм, гъэсэныгъэм, псэу­пIэ-коммунальнэ хъызмэтым, общественнэ транспортым алъэныкъокIэ онлайн фэIо-фашIэхэм ягъэцэкIэн гурыIогъошIоу ыкIи Iэрыфэгъоу щытын фае», — къыIуагъ КъумпIыл Мурат.Ащ дакIоу Адыгеим и ЛIы­шъхьэ цифрэ технологиехэм ягъэфедэнкIэ цIыфхэм къулайныгъэу аIэкIэлъхэм зыкъягъэIэтыгъэн, ахэр щынэгъончъэнхэм япхыгъэ IофыгъохэмкIэ хэ­бзэухъумэкIо къулыкъухэм зэ­дэлэжьэныгъэу адыряIэр гъэпытэгъэн зэрэфаем анаIэ тыраригъэдзагъ.Къэралыгъо фэIо-фашIэхэр цифрэ технологиехэм атещэ­гъэнхэмкIэ, информационнэ щынэгъончъэным зыкъегъэIэтыгъэнымкIэ, IэрышI акъылым итехнологиехэм ягъэфедэнкIэ Министерствэм Iофэу ышIэрэр зэрэлъигъэкIуатэрэр Шыу Заурбэч къыIуагъ.Адыгэ Республикэм цифрэ, къэбарлъыгъэIэс, телекомму­никационнэ технологиемкIэ и Министерствэ кIэщакIо зэ­рэ­фэхъугъэм тетэу 2025-рэ илъэ­сым къыщегъэжьагъэу адыга­бзэр «Яндекс Переводчик» зыфиIорэ фэIо-фашIэм хэгъэ­хьэгъэным Iоф зэрэдашIагъэр зэIукIэгъум щыхагъэунэфыкIыгъ. Министерствэм иIофышIэхэр УФ-м лъэпкъ IофхэмкIэ и Федеральнэ агентствэ Урысыем щыпсэурэ лъэпкъхэм абзэхэм якорпусхэм язэхэгъэуцонкIэ купэу щызэхэщагъэм хагъэхьагъэх. Адыгэ къэралыгъо уни­верситетым иIофышIэхэм ягъу­сэхэу гущыIэухыгъэ мини 100 зэрадзэкIыгъ. НепэкIэ проектыр гъэцэкIагъэ хъугъэ: сайтри, гуадзэу «Яндекс Переводчик» зыфиIорэри къызфагъэфедэхэзэ, адыгабзэкIэ тхыгъэхэр нэмыкIы­бзи 100-м ехъукIэ зэрадзэкIын алъэкIыщт, нэмыкIыбзэхэри адыгабзэм ралъхьэшъущтых.Цифрэ амалхэр агъэфедэхэзэ, адыгабзэр къэухъумэгъэнымкIэ ыкIи зэлъягъэшIэгъэнымкIэ Iофтхьабзэу зэшIуахыгъэхэм афэшI Адыгэ Респуб­ли­кэм цифрэ, къэбарлъыгъэIэс, телекоммуникационнэ технологиемкIэ и Министерствэ ипащи иIофышIэхэми зэрафэразэр КъумпIыл Мурат къыIуагъ.Хъарзынэщ документхэр цифровизацие шIыгъэнхэм тегъэпсыхьэгъэ проектыр зэрэпхыращырэми шъхьафэу зэIу­кIэгъум щытегущыIагъэх. Къулы­къум игъо зэрилъэгъугъэм тетэу АР-м и Лъэпкъ хъарзынэщрэ пшъэдэкIыжьэу ыхьырэмкIэ гъунэпкъэ гъэнэфагъэ зиIэ обществэу «Яндексымрэ» азы-­фагу зэпхыныгъэ илъ хъугъэ. Хъарзынэщ материалхэм язытет нахьышIу шIыгъэным, ахэр къызэтегъэнэжьыгъэнхэм, хъар­зынэщ материалхэм якопиехэу оцифровкэ ашIыгъэхэр платформэм игъэхьэгъэнхэм япхыгъэ зэзэгъыныгъэ лъэныкъохэм зэ­дашIыгъ.Республикэм и ЛIышъхьэ зэрэхигъэунэфыкIыгъэмкIэ, Адыгеим ихъарзынэщ кIэн къы­зэтезыгъэнэжьырэ амалэу ар щыт. КъумпIыл Мурат къызэри­IуагъэмкIэ, шIэныгъэлэжьхэм тарихъ документхэм арытхэм нахь икъоу нэIуасэ зафашIыным, унагъом, лIакъом ятарихъ зэзыгъашIэ зышIоигъохэм ящыкIэгъэ къэбархэр къызIэкIагъэхьанхэм ар афэIорышIэщт.Автоном мысатыу организациеу «Адыгэ Республикэм и Ситуационнэ гупч» зыфиIорэм Iоф зэришIэрэми, республикэм щыпхыращырэ унашъохэм на­хьыбэу шIуагъэ къягъэтыгъэным тегъэпсыхьэгъэ проектэу агъэцакIэхэрэми щатегущыIагъэх. Ахэм ащыщ социальнэ-экономическэ мониторингымкIэ цифрэ амалхэр зэрагъэфедэрэр. ГъогурыкIоныр щынэгъончъэнымкIэ Гупчэм цифрэ амалэу къыгъотыгъэм федеральнэ гупчэм осэшхо къызэрэфишIыгъэр, Урысые зэнэкъокъоу «Шъо­лъыр координационнэ гупчэхэм яIофшIэкIэшIухэр» зыфиIорэм ащ ятIонэрэ чIыпIэр къызэрэщихьыгъэр зэIукIэгъум щыхагъэунэфыкIыгъ.Iофтхьабзэм икIэухым Адыге­им и ЛIышъхьэу КъумпIыл Му­рат Адыгэ Республикэм цифрэ, къэбарлъыгъэIэс, телекомму­никационнэ технологиемкIэ и Министерствэ ипащэ лъэшэу гъунэ зылъифын фэе лъэны­къохэр фигъэнэфагъэх. Ахэр зыфэгъэхьыгъэхэр лъэпкъ проектым игъэцэкIэн, цIыфхэм къаIэкIагъэхьэрэ тхылъхэр зэхэфыгъэнхэр, цифрэ технологиехэм ягъэфедэнкIэ цIыфхэм якъулайныгъэ зыкъегъэIэты­гъэныр, шIуагъэ къэзытыщт унашъохэр республикэм илъэныкъо шъхьаIэхэм ащыштэгъэнхэмкIэ ищыкIэгъэ цифрэ лъа­псэр зэхэщэгъэныр ары.