ДжэгукIэ шIыкIэм тетэу арагъашIэ

Республикэм игурыт еджапIэхэм ыкIи икIэлэцIыкIу Iыгъы­пIэхэм джэгукIэ шIыкIэм тетэу адыгабзэр ащарагъашIэ.

Инэм дэт кIэлэцIыкIу IыгъыпIэу N 8-м респуб­ликэ семинарэу «Адыга­бзэкIэ гущыIэнхэм фытегъэпсыхьэгъэ джэгукIэ шIыкIэхэр гъэфедэгъэнхэр» зыфиIорэр щыкIуагъ. ЕджапIэм джыри чIэмы­хьагъэхэм ягъэсэныгъэ и Илъэс ар къыдыхэлъытагъ. ДжэгукIэ амал зэ­фэшъхьафхэу шъолъы-рым ит кIэлэцIыкIу Iыгъы­пIэхэм ащагъэфедэхэрэр семинарым къыща­гъэлъэгъуагъэх.— Iофтхьабзэм адыга­бзэмкIэ кIэлэ­егъаджэхэр зэрипхы­гъэх. Адыгабзэр кIэлэцIыкIухэм арагъэ­шIэным пае джырэ шIыкIэу щыIэхэм ахэр атегущыIагъэх, яны­дэлъфыбзэкIэ къэгущыIэнхэм, ар ашIо­гъэшIэ­гъоныным апае ме­тодикэу агъэфедэхэрэр къагъэлъэ­гъуагъэх. Бзэм изэгъэшIэн нахь гъэшIэгъон зэрэхъущт лъэныкъо­хэр къыхагъэщыгъэх, — къыщаIуагъ АР-м гъэсэныгъэмрэ шIэныгъэмрэкIэ и Ми­нистерствэ.Непэрэ мафэм ехъулIэу республикэм икIэлэцIыкIу IыгъыпIэ 50-мэ адыгабзэр ащызэрагъашIэ. Ахэм ащыщхэм IофшIэнри адыгабзэкIэ щызэхащэ.