Адыгэ Республикэмрэ Пшызэ шъолъыррэ ащыпсэурэ быслъымэнхэм я Диндэлэжьа-пIэ Къурмэныр зыхагъэунэфыкIыщт мафэр къыгъэнэфагъ.
Бирамым ыуж мэфэ 70-рэ зытешIэкIэ зул-хьиджэ мазэм ия 10-рэ мафэ ар хагъэунэфыкIы.Мыгъэ Къурмэныр жъоныгъуакIэм и 27-м рагъэжьэщт. МэфэкI нэмазыр пчэдыжьым сыхьатыр 8-м Мыекъуапэ имэщытышхо щаублэщт. Адыгеим щыпсэухэрэм жъоныгъуакIэм и 27-р официальнэу зыгъэпсэфыгъо мафэу афагъэнэфагъ.Къурмэныр быслъымэн мэфэкI шъхьаIэхэм ащыщ, пегъымбарэу Ибрахьим икIалэ Аллахьталэм къурмэн фишIыным зэрэфэхьазырыгъэр къыушыхьатэу ар хагъэунэфыкIы. Араб гущыIэу «ид-ал-адха» зыфиIорэм къикIырэр къурмэн мэфэкI.