Адыгеим икъэралыгъо ыкIи имуниципальнэ тхылъеджапIэмэ ятхылъ фондхэм ачIэлъхэм япчъагъэ илъэс къэс хагъахъо. 2026-м тхылъыкIэмэ якъэщэфын сомэ миллиони 8,3-рэ пэIуагъэхьанэу агъэнафэ, ащ щыщэу сомэ миллиони 2,2-р федеральнэ бюджетым къыхахыщт.
АР-м и Лъэпкъ тхылъеджапIэ, Адыгэ республикэ ныбжьыкIэ тхылъеджапIэм, Адыгэ республикэ кIэлэцIыкIу тхылъеджапIэм ыкIи Адыгэ республикэ хэушъхьафыкIыгъэ тхылъеджапIэу зымылъэгъухэрэм афытегъэпсыхьагъэм ятхылъ фондхэм язэтегъэпсыхьан мылъкур пэIуагъэхьащт.Джащ фэдэу лъэпкъ проектэу «Унагъу» зыфиIорэм къыдыхэлъытагъэу, модельнэ шапхъэм тетэу тхылъеджапIэхэр агъэпсыжьых. ИкIыгъэ илъэсым муниципальнэ тхылъеджэпIитIу ащ фэдэу зэтырагъэпсыхьажьыгъэх: Еленовскэ къоджэ тхылъеджапIэмрэ Яблоновскэ къэлэ тхылъеджапIэмрэ. Мыгъэ джыри муниципальнэ тхылъеджэпIиплI агъэкIэжьыщт — Ханскэм, Джаджэм, Къэбэхьаблэ ыкIи Абадзэхэхьаблэ адэтхэр.