Театральнэ зэхахьэр
Адыгэ Республикэм и Театральнэ зэхахьэ Iофтхьабзэу «Урысые театральнэ обществэм ичъыгдэкI» зыфиIорэм хэлэжьагъ. Урысыем итеатральнэ IофышIэмэ я Союз зызэхащагъэр илъэси 150-рэ зэрэхъугъэм ар фэгъэхьыгъагъ. Театрэм щылажьэхэрэм Мыекъопэ къэлэ паркым чъыгхэр щагъэтIысхьагъэх.
«ТичIыопс икъэухъумэн ыкIи изытет нахьышIу хъуным тиIахь зэрэхэтлъхьашъугъэм, джащ фэдэу театрэм итарихъ ихъугъэ-шIагъэу мэхьанэ зиIэр ащ тетэу зэрэхэдгъэунэфыкIыгъэм тегъэгушхо», — къыхагъэщыгъ Iофтхьабзэм хэлэжьагъэхэм.Iофтхьабзэу «Урысые театральнэ обществэм ичъыгдэкI» Урысыем итеатральнэ IофышIэмэ я Союз илъэси 150-рэ зэрэхъугъэм фэгъэхьыгъэу зэхащэхэрэм ямэфэпчъ хагъэхьагъ.