ЕшIэгъур къыхьыгъ

ФутболымкIэ Урысыем ипер­венствэ иятIонэрэ лигэ хэт «Зэкъошныгъэм» я 8-рэ ту­рым къыдыхэлъытэгъэ ешIэгъу Мыекъуапэ щыриIагъ, коман­дэу «Нартыр» къеблэгъагъ.

Апэрэ едзыгъор хьакIэхэм 2:0-у ахьыгъ, мы уахътэм ахэр нахь дэгъоу джэгугъэх. Ау ятIонэрэм тифутболистхэм яешIакIэ рагъэхъугъ, бэрэ ыпэкIэ илъыгъэх ыкIи къатефэу текIоныгъэр къыдахыгъ.«Зэкъошныгъ» — «Нарт» — 3:2 (0:2).Къэлапчъэм Iэгуаор дэзыдзагъэхэр: Машезовыр (я 6-рэ ыкIи я 32-рэ такъикъхэр), Блэгъожъыр (я 53-рэ такъикъыр), Коблыр (я 74-рэ такъикъыр), Солоп (я 81-рэ такъикъыр).«Зэкъошныгъэм» щешIагъэх:Хачировыр (къэлэпчъэIут), Хьэхыр (Казаровыр), Солоп, Блэгъожъыр, Анисимовыр, Васильевыр, Черджиевыр, Юшко, Коблыр (Шустовыр), Къонэр (Цанава), Антоненкэр (Делэкъор).Тренер шъхьаIэр — Александр Кайвановыр.«Нартым» хэтыгъэх:Магомедовыр (къэлэпчъэIут), Коротко­выр, Удунян (Осициныр), Филиповскэр, Курба­новыр, Беляевыр, Ягъяевыр (Дашаевыр), Каргиновыр, Тхакоховыр, Машезовыр (Оленевыр), Панаевыр.Тренер шъхьаIэр — Ахмад Магомедкамиловыр.Ощхэу щыIагъэхэм апкъ къикIэу Мыекъуа­пэ истадион иешIапIэ изытет дэигъ. Арышъ, ыпэкIэ уилъыныр, ешIэкIэ дахэ къэбгъэлъэ­гъоныр къиныгъ. Апэрэ таймым ипэублэ хьакIэхэм яфутболистэу Ратмир Машезовым пчъагъэр къызэIуихыгъ. ХьакIэхэм яешIакIэ къагъотыгъ. Я 25-рэ такъикъым пчъагъэм хагъэхъонымкIэ ахэм джыри зы амалышIу яIагъ, пенальти агъэцэкIагъ. Ау тикомандэ икъэлэпчъэIутэу, икапитанэу Тамирлан Хачировым Iэгуаор къызэкIидзагъ. ЦIыфэу къэзэрэугъоигъэхэр ащ Iэгу фытеуагъэх. Ау тифутболистхэр бэрэ гушIуагъэхэп, я 31-рэ такъикъым хьакIэхэм джыри зы пенальти къалэжьыгъ, Ратмир Машезовым ятIонэрэу къэлапчъэм Iэгуаор дидзагъ, пчъагъэр 0:2 хъугъэ.ЯтIонэрэ таймым «Зэкъошныгъэм» хэп­шIыкIэу иешIакIэ ригъэхъугъ. Я 53-рэ такъи­къым Блэгъожъ Рустем къэлапчъэм Iэгуаор дидзагъ, пчъагъэр 1:2 хъугъэ. Я 73-рэ такъи­къым Никита Васильевыр метрэ 16 фэдизкIэ къэлапчъэм пэчыжьэу ащ дэуагъ, «Нартым» хэт футболистхэм ащыщ ар тефи, Кобл Заид къыIэкIэхьагъ, ащ пчъагъэр 2:2 ышIыгъ. Тифутболистхэр ащ къыщыуцугъэхэп ыкIи я 81-рэ такъикъым текIоныгъэр къафэзыхьыгъэ Iэгуаор Солоп къэлапчъэм дидзагъ.Я 8-рэ турым изэфэхьысыжьхэр:«Астрахань» — «Победа» — 1:3, «Чайка-М» — «Шахтер» — 1:4, «Заря» — «Рос­тов-2» — 1:2, «Нефтяник» — «Динамо-2» — 3:0, «Спартак-Налщык» — «Ангушт» — 0:0, «Зэкъошныгъ» — «Нарт» — 3:2, «Рубин Ялта» — «Кызылташ» — 5:2, «Севастополь» — «ПСК» — 2:2.Турнир таблицэм пэрытныгъэр щиIыгъ донецкэ «Шахтерым», «Севастополь» ятIонэрэ чIыпIэм щыт, ящэнэрэр зэдагощы «Ростов-2» ыкIи «Спартак-Налщык». «Зэ­къошныгъэр я 9-р, зичэзыу ешIэгъур жъоныгъуакIэм и 23-м Назрань щыриIэщт, чIыпIэ командэу «Ангуштым» IукIэщт.Командэхэр зыдэщыт чIыпIэхэр ыкIи очко пчъагъэу рагъэкъугъэр:

1. «Шахтер» — 19.
2. «Севастополь» — 17.
3. «Ростов-2» — 15.
4. «Спартак-Налщык» — 15.
5. «Рубин Ялта» — 14.
6. «Кызылташ» — 14.
7. «ПСК» — 13.
8. «Ангушт» — 13.
9. «Зэкъошныгъ» — 11.
10. «Победа» — 11.
11. «Нарт» — 11.
12. «Нефтяник» — 9.
13. «Астрахань» — 6.
14. «Заря» — 6.
15. «Динамо-2» — 4.
16. «Чайка-М» — 1.