«Кофем Iэзэгъу уц фэдэу шъуеплъ»

Арэущтэу еIо Пироговскэ университетым клиническэ медицинэмкIэ иинститут клиническэ фармакологиемкIэ икафедрэ иассистентэу Антон Сафоновым. Теубытагъэ хэлъэу ар къыIоным лъапсэу иIэри шIэныгъэлэжьым къызэхефы. Ащ изэфэхьысыжьхэр тигъэзетеджэхэм ашIогъэшIэгъонынхэу ыкIи къашъхьэпэнхэу тэгугъэ.

Кофем вещество шъхьаIэу хэлъыр кофеиныр ары. Пкъы­шъолым инервнэ системэ ащ «къегъэущы», кIуачIэ хелъхьэ. Кофеиным гум нахь лъэшэу Iоф регъашIэ, лъыдэкIуаеу цIыфым иIэм хегъахъо, лъынтфэхэм лъыр псынкIэу къащекIокIэу ешIы. «Iэзэгъу уцэу тызэшъон фаехэм ар захатлъхьэкIэ, ­«побочные эффекты» зыфаIоу ахэм яIэхэм нахь ахэхъон, терапие кIуачIэу Iэзэгъу уцым хэлъым къыщигъэкIэн е гум ыкIи нервэхэм иягъэ аригъэкIын ылъэкIыщт», — еIо спе­циалистым.Экспертым къыхигъэщыгъ Iэзэгъу уц купхэу кофер «зипыйхэр».Пскэм еIэзэгъэным фэшI агъэфедэрэ ­Iэзэгъу уцхэу эфедрин­рэ теофиллинрэ зы­хэлъхэр.«Эфедриныр ыкIи теофил­линыр (ахэм апэблэгъэ аминофиллиныр, эуфеллиныр) жьы­къэщапIэхэр нахь зэIэзыщыхэрэ Iэзэгъу уцхэу жьызэIухьэ (астмэ) е тхьабыл уз зиIэхэм аратыхэрэр ары. Кофеиныр изэхэ­лъыкIэкIэ теофиллиным пэ­благъ, арышъ, ахэр зызэдэб­гъэфедэхэкIэ, нервэхэр лъэш дэ­дэу «къэпIэжъгъэих», лъынтфэхэм псынкIащэу ыкIи лъэшэу лъыр къарэхъо (пульсым хэхъо) шапхъэхэм ашIокIэу, Iаблэхэр сысыхэу мэхъу, гур псынкIащэу къытео, ащ нахь гумэкIыгъо­хэри къыкIэлъыкIонхэ ылъэкIыщт», — еIо А. Сафоновым.Антибиотикхэр«Мы Iэзэгъу уц купым ха­хьэ­хэрэм ащыщхэм, гущыIэм пае, левофлоксациным ыкIи ципрофлоксациным, кофеиныр пкъы­шъолым къыхэкIыжьыныр зэтыраIажэ. Уахътэу ащ, кофеиным икъыхэкIыжьын, ыкъудыирэр фэди 2 — 3-кIэ нахьыбэ мэхъу. Зы кофе чашкэм Iэзэгъу уцэу зигугъу къэтшIыгъэхэм уаде­шъуагъэ хъумэ, гур нахь лъэшэу къытеоу еублэ, лъыдэкIуаем псынкIэу хэхъо. Мыщ дэжьым къыхэгъэщыгъэн фае — антибиотикым ащ иягъэ ригъэкIырэп, къин зылъэгъурэр, чIыпIэ щынагъо ригъэуцорэр цIыфэу ахэр зэдэзыгъэфедагъэхэр ары», — къыкIегъэтхъы фармакологым.Узыр хэзыгъэжъукIырэ ыкIи плъыр-стырым пэшIуекIорэ Iэзэгъу уцхэрПэтхъу-Iутхъур къытэутэкIыгъэмэ е шъхьэр мэузымэ тызэ­шъорэ Iэзэгъу уцхэм ахэтых компонент пчъагъэу (Iэзэгъу уц зэфэшъхьафхэр зыхахьэхэрэр) зэхэлъхэр. «Ахэм ахэлъын ылъэкIыщт ацетилсалициловэ кислотар, парацетамолыр ыкIи кофеиныр. Ащ фэдэ Iэзэгъу уцэу узашъорэм кофе чашкэ зыхэбгъэхъожькIэ, кофеин бащэ пкъы­шъолым IэкIэхьэ ыкIи ыпшъэкIэ зигугъу къэтшIыгъэ пстэур (гум ылъэныкъокIи, лъыдэкIуаем епхыгъэ гумэкIыгъохэри, нэ­мыкIхэри) къыкIэлъыкIонхэ ылъэ­кIыщт» — къетхы Антон Сафоновым.«Бета-блокаторхэр»зыфаIохэрэрМы купым хэхьэрэ Iэзэгъу уцхэм (метопрололыр, бисопрололыр, атенололыр) зыфыте­гъэпсыхьагъэхэу фармакологым къыкIигъэтхъырэр гум рэхьатэу Iоф ышIэныр, лъыдэкIуаер зыпкъ итыныр ары. Ау, тызэрэщыгъуазэу, кофеиным ышIэрэр нэмыкI шъыпкъ: лъынтфэхэм псынкIэу лъыр «арегъахъо», ащ дакIоу ахэр зэфещэх. Арэу зыхъукIэ, кофер Iэзэгъу уцым пэуцушъ, шIуагъэ ащ къыхьы­жьырэп. Специалистым тынаIэ мыщ дэжьым тырырегъадзэ: «Арэущтэу ахэр «зыщызэпэуцухэрэм» кофеиныр пкъы­шъолым нахьыбэрэ хэлъы, зэрарэу ащ рихын ылъэкIыщтыр къэшIэгъуай».Узыгъэрэхьатырэ, узыгъэчъыерэ Iэзэгъу уцхэр«Кофеиныр мы купым хэ­хьэрэ Iэзэгъу уцхэм «япый», ахэр зэдэбгъэфедэхэ хъухэщтэп. Анахь макIэмэ, ащ къы­хэкIэу Iэзэгъу уцым ишIуагъэ къыокIыщтэп. Ащ нахь дэир — ахэр зэгъусэхэу пкъышъолым зыхахьэхэкIэ, нервнэ сис­темэм зэрар рехы, цIыфыр псынкIэу къызэкIэнэ, къызэкIэплъыхьэ, чъыешъурэп, пкIы­хьапIэ дэйхэр елъэгъух», — еIо специалистым.ШъунаIэ тешъудз!«Шъхьафэу къыхэзгъэщы сшIоигъу къызэрыкIоу, ау мэхьанэ зиIэ зы шапхъэ: Iэзэгъу уцым узыдешъон фаер псы къабзэр ары. Кофе, щай, псы IэшIухэр ищыкIагъэхэп. Псыр препаратым имолекулэ зыхахьэкIэ, химическэ реакцие зыпари къытырэп, ащ къы­хэкIэуи шIум иягъэ ригъэкIырэп. Кофем Iэзэгъу уцым фэдэу шъуеплъ, ар зыфэбгъэфедэн, зыдэбгъэфедэн фаем шэпхъэ гъэнэфагъэ иI», — зэфэхьысыжь къешIы экспертым.