Адыгэ Республикэм щыпсэухэу лъытэныгъэ зыфэтшIыхэрэр!ТичIыпIэгъу лъапIэхэр!
Адыгэ Республикэм щыпсэухэрэм унагъом и МафэкIэ тафэгушIо!Тишъолъыр щыпсэурэ лъэпкъхэм якультурэ унагъом сыдигъуи чIыпIэшхо щиубытыщтыгъ. Обществэм изы Iахьэу зэрэщытым имызакъоу, нэбгырэ пэпчъкIэ кIэгъэкъон пытэ ар мэхъу. Унэгъо кIоцIым илъ хэбзэшIухэр Адыгеим ренэу щагъэлъапIэх, унагъом, лIакъом, зэдэIэпыIэжьыныгъэм уасэ зафашIырэр лIэшIэгъу пчъагъэ хъугъэ. Укъэзэрэгъэгъунэжьыным, цыхьэ зэфэпшIыным, цIыфхэр шIу плъэгъунхэм, унасыпышIоным мэхьанэшо зэряIэр ахэм дэгъоу къаушыхьаты. Унэгъо зэдэIужьхэм лIэшIэгъубэмэ къакIоцI арылъ хъугъэ хэбзэшIухэм якъэухъумэн ахэр фэIорышIэх. Тикъэралыгъо изыпкъитыныгъэрэ илъэшыгъэрэ якъэкIуапIэр унэгъо зэгурыIожьыр ары.Адыгеим ис унагъохэм а хэбзэшIухэр къагъэгъунэнэу, тихэгъэгу ицIыф шъыпкъэхэу якIалэхэр апIунхэу, ягупсэхэмрэ къапэблагъэхэмрэ гушIуагъо къафахьынэу тафэлъаIо! ТичIыпIэгъу лъапIэхэр, псауныгъэ пытэ, мамыр щыIакIэ шъуиIэнэу, шъуиунагъохэм ренэу зэгурыIоныгъэ арылъынэу, шъуисабыйхэм ягъэхъагъэхэмкIэ шъуагъэгушIонэу, шъуагъэгушхонэу шъуфэтэIо!Адыгэ Республикэм и ЛIышъхьэу, Урысые политическэ партиеу «Единэ Россием» и Адыгэ шъолъыр къутамэ и СекретарэуКъумпIыл МуратАдыгэ Республикэм и Къэралыгъо Совет — Хасэм и Тхьаматэу Владимир Нарожнэр