ЖъоныгъуакIэм и 20-м «Цифровые каналы продаж и маркетинг» зыфиIорэ егъэджэнхэр Адыгеим щыкIощтых. Сатыум пылъхэу е а лъэныкъомкIэ Iоф зышIэн зимурадхэм Iофтхьабзэр атегъэпсыхьагъ.
Ащ игъэпсынкIэ, изегъэужьынкIэ шIэныгъэхэр хэлэжьэщтхэм агъотыщтых. Мастер-классыр зезыщэщтыр сатыушIэу, IугъэкIынымкIэ ыкIи гъэIорышIэнымкIэ хэшIыкIышхо зиIэу, Урысые обществэу «ШIэныгъэм» илекторэу Дмитрий Нестеренкэр ары. Iофтхьабзэр зигукъэкIыр ыкIи изэхэщакIор «АР-м сатыушIхэм IэпыIэгъу ягъэкIыгъэнымкIэ и Гупч». «ШIуагъэ къэзытырэ ыкIи зэнэкъокъур зылъэпсэ экономикэр» зыфиIорэ лъэпкъ проектым къыдыхэлъытагъэу ар агъэцакIэ.Мастер-класым ухэлэжьэным ыпкIэ пылъэп. Сыхьатыр 12-м къыщегъэжьагъэу 4-м нэс ар кIощт. Арышъ, къэблэгъэрэ бэрэскэжъыем шIоигъоныгъэ зиIэхэр зэкIэ «АР-м сатыушIхэм IэпыIэгъу ягъэкIыгъэнымкIэ и Гупчэ», урамэу Пионерскэм, 324-м рагъэблагъэх. Къэбар игъэкIотыгъэ зищыкIагъэхэр 8(800) 550-57-90 теонхэ е электроннэ почтэу go@federalbusi тхэнхэ алъэкIыщт.