Аужырэ уахътэм Адыгеим иэкономикэ инвестициеу къыхалъхьэрэм хэпшIыкIэу хэхъуагъ. Илъэсищыр пштэмэ, пстэумкIи сомэ миллиард 211-рэ мэхъу.
2025-рэ илъэсэу икIыгъэм изакъоу сомэ миллиард 80,4-рэ къыхэхъуагъ. Мы лъэныкъом-кIэ Къыблэ Федеральнэ шъолъырым иапэрэ субъектищмэ ащыщ хъугъэ.Инвесторхэр къегъэблэгъэгъэнхэмкIэ шъолъырхэм яIофхэм язытет зызэрагъапшэм, Адыгеим я 16-рэ чIыпIэр ыубытыгъ. Мы уахътэм республикэм проект 20 щыпхыращы, ахэм пстэумкIи сомэ милли-арди 101-рэ инвестициеу къакIэкIощт.Инфраструктурэр зыщызэтегъэпсыхьэгъэ площадкэ анахь инхэм ащыщ промышленнэ паркэу «Инэмыр». Мыщ проект заулэ щыпхыращы. Джыри инвесторхэр къырагъэблагъэх, ахэм япроектхэм ахэплъэнхэм фэхьазырых. Джащ фэдэу инвестициехэр мымакIэу къыкIэкIонхэу гугъэпIэ инхэр къэзытырэ лъэныкъохэм ащыщ зекIоныр.«Аужырэ уахътэхэм инвестициеу тиэкономикэ къыхалъхьэрэм хэдгъэхъон тлъэкIыгъ. Непэ шъолъырым зыпкъ итэу хэхъоныгъэхэр ышIынхэм пае шIыкIэ пстэури бгъэфедэн фае. Ащ фэдэ амалхэр къетых Кавказ инвестиционнэ форумым. НэмыкI форумхэм зэзэгъыныгъэу ащытшIыгъэхэр непэ щыIэныгъэм щыпхырытэщых. Ары пакIошъ, проект заулэ гъэцэкIэгъахэ хъугъэ. Джыри тиIофшIэн федэ къыхьынэу, инвестициехэмкIэ «типортфель» зедгъэушъомбгъунэу тыщэгугъы», — къыIуагъ АР-м и ЛIышъхьэ.