«Хэгъэгур къэухъумэгъэнымкIэ ислъам диным ишапхъэхэр» зыцIэ Iэнэ хъурае джырэблагъэ Мыекъуапэ щыкIуагъ.
Ислъам культурэм, шIэныгъэм ыкIи гъэсэныгъэм IэпыIэгъу афэхъугъэнымкIэ Фондыр ыкIи Темыр Кавказым ибыслъымэнхэм я Координационнэ гупчэ игъусэхэу Iофтхьабзэр зэхищагъ Адыгэ Республикэм ыкIи Пшызэ шъолъыр ащыпсэурэ быслъымэнхэм я ДиндэлэжьапIэ.ЗэхэщакIохэм мурадэу яIагъэр къэралыгъо-дин зэфыщытыкIэхэр гъэпытэгъэнхэр, Адыгэ Республикэм ыкIи Пшызэ шъолъыр мамырныгъэрэ зэгурыIоныгъэрэ арылъыным къыфэджэгъэнхэр, Хэгъэгур къэзыухъумэрэ дзэкIолIхэм динэу алэжьырэм емылъытыгъэу зэкъотыныгъэ азыфагу илъыныр, нэмыкIхэри.Iофтхьабзэм хэлэжьагъэх АР-м лъэпкъ IофхэмкIэ, IэкIыб къэралхэм ащыпсэурэ зэлъэпкъэгъухэм адыряIэ зэпхыныгъэхэмкIэ ыкIи къэбар жъугъэм иамалхэмкIэ и Комитет итхьаматэу Долэ Долэтбый, Краснодар краим иадминистрацие лъэпкъ зэфыщытыкIэхэмкIэ ыкIи дин зэпхыныгъэхэмкIэ и Департамент политикэмкIэ иотдел ипащэу Максим Рудаковыр.ЗэхэгущыIэжь шIыкIэм тетэу рекIокIыгъэ Iофтхьабзэм хэлэжьагъэх Темыр Кавказым ибыслъымэнхэм я Координационнэ гупчэ хэтхэу быслъымэнхэм я ДиндэлэжьапIэ, общественнэ организациехэм ялIыкIохэр, хэбзэ къулыкъушIэхэр, шIэныгъэлэжьхэр, кIэлэегъаджэхэр ыкIи студентхэр.Iэнэ хъураем къекIолIагъэхэм шIуфэс гущыIэхэмкIэ закъыфигъэзагъ Адыгэ Республикэм ыкIи Пшызэ шъолъыр ащыпсэурэ быслъымэнхэм я ДиндэлэжьапIэ имуфтиеу Къэрдэн Аскэрбый.Iофтхьабзэр зэрищагъ муфтиим игуадзэу, Iимамэу Хъущт Азэмат.Зэхэсыгъом докладхэр къыщашIыгъэх Краснодар краим щыIэ общественнэ организациеу «Адыгэ Хасэм» итхьаматэу, тарихъ шIэныгъэхэмкIэ кандидатэу МэщэтлI Руслъан, Ермэлхьаблэ иIимамэу Алый Руслъан.Iэнэ хъураем икIэухым зэфэхьысыжьхэр ашIыгъэх, анаIэ зытырагъэтын фэе лъэныкъохэр къагъэнэфагъэх. ГущыIэм пае, тхьэлъэIупIэхэм щыIэхэу е ныбжьыкIэхэм зэдэгущыIэгъур адашIызэ, хэгъэгур къэухъумэгъэнымкIэ ислъам диным ишапхъэхэр арагъэшIэнхэу рахъухьагъ.КIАРЭ Фатим.