Адыгэ къэралыгъо университетым естествознаниемкIэ ифакультет идеканэу Урысые Федерацием и Уголовнэ кодекс ия 159-рэ статья ия 3-рэ Iахь, ия 285-рэ статья иа 1-рэ Iахь зигугъу къашIырэ бзэджэшIагъэхэр зезыхьагъэм иуголовнэ Iоф изэхэфын Урысыем и Следственнэ комитет Адыгэ РеспубликэмкIэ иследственнэ гъэIорышIапIэ ыухыгъ.
Урысыем щынэгъончъэнымкIэ и Федеральнэ къулыкъу Адыгэ РеспубликэмкIэ и ГъэIорышIапIэ иIофышIэхэм оперативнэ-лъыхъон Iофтхьабзэу зэрахьагъэхэм якIэуххэм атетэу уголовнэ Iофыр къызэIуахыгъагъ.ХэбзэухъумакIохэм зэрагъэунэфыгъэмкIэ, 2023-рэ илъэсым факультетым идекан сэнэхьатэу «Педагогическое образование» зыфиIорэр аIэ къырагъэхьанэу очнэ отделением студентищ чIэхьагъэ фэдэу тхылъ нэпцIхэр зэхигъэуцогъагъэх. Ахэм яегъэджэн апшъэрэ еджапIэм сомэ мин 650-м ехъу тыригъэкIодагъ.Ащ нэмыкIэу факультетым идекан сомэ мин 39-рэ фэдиз хъурэ стипендиери иджыбэ рилъхьагъ. Сомэ мин 700-м ехъу чIэнагъэ апшъэрэ еджапIэм ащ ригъэшIыгъ.Уголовнэ Iофыр хьыкумым IэкIагъэхьагъ.Урысыем щынэгъончъэнымкIэ и Федеральнэ къулыкъу Адыгэ РеспубликэмкIэи ГъэIорышIапIэ ипресс-къулыкъу