Урысыем хэгъэгу кIоцI IофхэмкIэ и Министерствэ икIэщакIоу наркотикхэм апэуцужьыгъэнымкIэ Урысые Iофтхьабзэу «Хьадэгъур зыщащэрэр ошIэмэ, макъэ къэгъэIу!» зыфиIорэм иапэрэ уцугъо Адыгеим щэкIо.
Мыщ пшъэрылъэу иIэр наркотикхэр хэбзэнчъэу къызэрэрагъэкIокIыхэрэм пэуцужьыгъэным цIыф-хэр къыхэгъэлэжьэгъэнхэр, кIэлэеджакIохэр ыкIи студентхэр ащ щыухъумэгъэнхэмкIэ узыгъэгъозэрэ Iофтхьабзэхэр адызехьэгъэнхэр, наркотикхэм апыщагъэхэм ягъэхъужьынкIэ IэпыIэгъу афэхъугъэныр, ахэр щыIэныгъэм хэгъэгъозэжьыгъэнхэр ары.Адыгэ Республикэм хэгъэгу кIоцI IофхэмкIэ и Министерствэ республикэм щыпсэухэрэм закъыфегъазэ — наркотикхэр хэбзэнчъэу агъэфедэу ыкIи къырагъэкIокIэу шъущыгъуазэмэ, полицием ителефон номерэу (8772) 59-64-00-м е 02-м (102)-м шъутеу, хэбзэухъумакIохэм макъэ яжъугъэIу.АР-м хэгъэгу кIоцI IофхэмкIэ и Министерствэ ипресс-къулыкъу.