Мыекъопэ районым щыпсэурэ хъулъфыгъэм кIэлэпIупкIэр игъом зэримытырэм къыхэкIэу мэфэ 12-м телъытэгъэ административнэ арест тыралъхьагъ.
Хьыкум приставхэм я Мыекъопэ район отделение къыIэкIэхьэгъэ материалхэмкIэ Iофыр къызэIуахыгъ. Хьыкумым унашъоу ышIыгъэмкIэ, хъулъфыгъэм илэжьапкIэ изы Iахь икIэлэцIыкIухэм аритын фэягъ. Ау ипшъэрылъхэр зэримыгъэцакIэхэрэм къыхэкIэу чIыфэу сомэ мин 400-м ехъу зэIуигъэкIагъ. Хьыкум приставыр ащ пчъагъэрэ дэгущыIагъ, изекIуакIэ зэрэмытэрэзыр гуригъэIуагъ. Ау къытефэрэр зэримыгъэцакIэрэм къыхэкIэу мэфэ 12-м телъытэгъэ административнэ арест тыралъхьагъ. Хъулъфыгъэм чIыфэу зэIуигъэкIагъэр къызимыпщыныжькIэ уголовнэ Iоф къыкIэлъыкIон ылъэкIыщт.