Лъэпшъыкъо Ф.
ТекIоныгъэм и Мафэ фэгъэхьыгъэ къэгъэлъэгъонэу АР-м и Сурэт къэгъэлъэгъуапIэ къыщызэIуахыгъэм Хэгъэгу зэошхом итарихъ къизыIотыкIырэ IофшIэгъи 100 фэдиз хэхьагъ. Ахэр АР-м исурэтышIхэм якъэлэмыпэ къычIэкIыгъэх.
— Хэгъэгу зэошхом къыгъэлъэгъуагъ цIыфхэм акIуачIэ зыкIыныгъэм къызэрэпкъырыкIырэр, советскэ дзэкIолIмэ, цIыф къызэрыкIомэ япсэемыблэжьныгъэ фэдэ дунаим зэрэщымыхъугъэр, зэкъотхэу пыим зэдебэнхэзэ ТекIоныгъэр къызэрэдахыгъэр. ТекIоныгъэм къытфихьыгъэ ошъо къабзэр ятIонэрэ Iахьым къырегъэлъэгъукIы. IофшIагъэ пэпчъ екIолIэкIэ хэхыгъэ зэриIэр хэолъэгъукIы, — къыIуагъ АР-м исурэтышIхэм я Союз итхьаматэу Елена Абакумовам.Сурэтхэу «Заом ыуж», «ТекIоныгъэм игъатх», «Ошъо къабзэр», «Заом иаужырэ макъэхэр», «Къуаджэм иветеранхэр», «ЛIыхъужъым исурэт» зыфиIохэрэр блэкIыгъэ ыкIи джырэ лIэшIэгъухэм янэпэеплъых, гум екIухэу шIыгъэх, мамырныгъэм къыфэджэх.ШIоигъоныгъэ зиIэ пстэури къэгъэлъэгъоным еплъынхэ алъэ-кIыщт, ар жъоныгъуакIэм и 12-м нэс зэIухыгъэщт.Лъэпшъыкъо Фатим.