ЖъоныгъуакIэр зыфэдэщтыр

ГидрометеорологиемкIэ ыкIи тыкъэзыуцухьэрэ дунаим иуплъэкIункIэ Гупчэм къызэритыгъэмкIэ, хабзэ зэрэхъугъэу, жъоныгъуакIэм ом изытет зызэблехъу. КъохьапIэм къикIырэ жьыбгъэр лъэшэу къепщэ. ТишъолъыркIэ илъэс къэс жъо­ныгъокIэ мафэхэр градус 28 — 30-м нэсэу фабэх.1981-рэ ыкIи 1999-рэ илъэсхэм Адыгеим чъыIэр зы градусым нэсэу щыIагъ, анахь зыщычъыIагъэр 1945-рэ илъэсыр ары — градус 35-рэ.ЖъоныгъуакIэм ощхыр сыдигъокIи нахь къебэкIы. 2001-м тIогъогогъо шапхъэхэм ашIокIэу ощх Адыгеим къыщещхыгъэу агъэунэфыгъ, илъэс 50-м зэ ощхышхо къыщещхэу къыхэкIы. 1979-рэ илъэсым жъоныгъуакIэр огъугъ.Гукъау нахь мышIэми, жъоныгъуакIэм бэрэ ошъу къехы, зэрар цIыфхэм къафехьы.Мы илъэсым ижъоныгъокIэ мазэ фабэу ыкIи шынэгъакIэ иIэу щытыщт. Температурэр гурытымкIэ шапхъэхэм ашIокIыщтэп, ощхэу къещхыщтыр шапхъэ­хэм афэдизыщт. Къушъхьэхэм ос цIынэ къатырилъхьан ылъэкIыщт.ЖъоныгъуакIэм шыблэр къебэкIыщт, джащ фэдэу ошъу къехыщт ыкIи жьыбгъэр лъэшэу къепщэщт.Апэрэ мэфипшIыр. Чэщым фабэу градуси 6 — 11 щыIэщт, чъыIэуи къы­хэкIыщт, градуси 2 – 7-м кIахьэу. Мафэм фабэр градус 12 — 17-м, джащ фэдэу градус 27-м щыкIахьэуи хъущт.ЯтIонэрэ мэфипшIыр. Чэщым градуси 9 — 14 щыIэщт. Мафэм фабэр градус 27 — 32-м кIэхьащт.Ящэнэрэ мэфипшIыр. Чэщым фабэр градуси 10 — 15-м, мафэм градус 26 — 31-м анэсыщт.Ощхыр бэрэ къыземыщхыкIэ, машIор къэхъуным ищынагъо щыIэщт. Псыхъохэм адэт псыр шапхъэу щыIэхэм ашIокIыщтэп.Къушъхьэхэм ателъ осыр къызщигъэ­жъурэ уахътэм ыкIи лъэшэу къызещхырэм, псыхъохэм адэт псыр къыдэкIоен ылъэкIыщт. Мэкъумэщ культурэхэм якъэгъэкIынкIэ ом изытет гумэкIыгъо къыздихьыщтэп.КIАРЭ Фатим.