«Адыгеим и ЛIыхъужъхэр» зыфиIорэ программэм хэлажьэхэрэм къэралыгъо ыкIи муниципальнэ гъэIорышIэнымкIэ икъулыкъухэм Iоф зэрашIэрэм нэIуасэ зыщыфашIыгъэхэ зэхахьэ «Единэ Россием» ишъолъыр Штаб щыкIуагъ.
«Единэ Россием» ишъолъыр къутамэ цIыфхэм зыкъызэрэфагъэзэрэ IофхэмкIэ ыкIи проектнэ IофшIэнымкIэ исекретарь игуадзэу, Къэралыгъо Советым — Хасэм икомитет итхьаматэу Наталья Широковам зэхэсыгъор зэрищагъ. Къэралыгъо ыкIи муниципальнэ гъэIорышIэным ишапхъэхэм ар къатегущыIагъ, унашъоу ашIыгъэхэм ащыщхэу республикэм ихахъо фэлэжьагъэхэмкIэ щысэхэр къыхьыгъэх, программэм хэлажьэхэрэм яупчIэхэм джэуап игъэкIотыгъэхэр къаритыжьыгъ.«Единэ Россием» ишъолъыр къутамэ Iоф зэришIэрэм зэхэсыгъом хэлэжьагъэхэр щагъэгъозагъэх, цIыфхэм къарахьылIэрэ гумэкIыгъо шъхьаIэхэм ащыщхэм ахэплъагъэх, ахэм зэшIохыкIэу афэхъун ылъэкIыщтхэм атегущыIагъэх. ЦIыфхэм IэпыIэгъу афэхъугъэнымкIэ шэпхъэ зэфэшъхьафэу щыIэхэр зэхафыгъэх.