Тэхъутэмыкъое районым щыщ кIалэу илъэс 25-рэ зыныбжьым къыфызэIуахыгъэ уголовнэ IофымкIэ Къыблэ шъолъыр дзэ хьыкумым (Ростов-на-Дону) кIэух унашъор ыштагъ. Урысыем и Уголовнэ кодекс ия 205.1-рэ статья иа 1.1-рэ Iахь, ия 205.5-рэ статья ия 2-рэ Iахь зигугъу къашIырэ бзэджэшIагъэхэр зэрихьагъэкIэ ар агъэмысагъ.
Урысыем щынэгъончъэнымкIэ и Федеральнэ къулыкъу Адыгэ РеспубликэмкIэ и ГъэIорышIапIэ иIофышIэхэм зэрагъэунэфыгъэмкIэ, кIалэм радикальнэ еплъыкIэ иIагъ, Урысыем щызэхапщэ мыхъущт террористическэ организацием Адыгэ Республикэм исхэм ащыщхэр хищагъэх.Уголовнэ Iофыр къызэIузыхыгъэр ыкIи зэхэзыфыгъэр Урысыем щынэгъончъэнымкIэ и Федеральнэ къулыкъу Адыгэ РеспубликэмкIэ и ГъэIорышIапI ары.Урысыем и Уголовнэ кодекс ия 205.1-рэ статья иа 1.1-рэ Iахь, ия 205.5-рэ статья ия 2-рэ Iахь адиштэу Къыблэ шъолъыр дзэ хьыкумым илъэси 3-рэ хьапсым, илъэс 11-рэ колонием адэсынэу кIалэм тырилъхьагъ.