Урысые Федерацием и Следственнэ Комитет Адыгэ РеспубликэмкIэ иследственнэ ГъэIорышIапIэ республикэ наркологическэ диспансерым иIэзэпIэ отделение ипащэу Урысыем и Уголовнэ кодекс ия 290-рэ статья ия 5-рэ Iахь ипунктэу «а»-м зигугъу къышIырэ бзэджэшIагъэ зезыхьагъэм уголовнэ Iоф къыфызэIуихыгъ.
Урысыем щынэгъончъэнымкIэ и Федеральнэ къулыкъу Адыгэ РеспубликэмкIэ и ГъэIорышIапIэрэ Адыгэ Республикэм хэгъэгу кIоцI IофхэмкIэ и Министерствэ экономическэ щынэгъончъагъэмкIэ ыкIи къолъхьэ тын-Iыхыным пэуцужьыгъэнымкIэ игъэIорышIапIэрэ яIофышIэхэм зэрахьэгъэ оперативнэ-лъыхъон Iофтхьабзэхэм якIэуххэм атетэу уголовнэ Iофыр къызэIуахыгъ.ЗэрагъэунэфыгъэмкIэ, 2025-рэ илъэсым ичъэпыогъу щегъэжьагъэу 2026-рэ илъэсым имэзае нэс наркологическэ учетым нэбгыритIу зэрэхитхыкIыжьыгъэм пае отделением ипащэ къуалъхьэу сомэ мин 25-рэ ыкIи сомэ мин 20 къыратыгъ.БзэджэшIагъэм лъапсэ фэхъугъэхэм язэхэфын тегъэпсыхьэгъэ следственнэ Iофтхьабзэхэр джыдэдэм зэрахьэх.