Тэхъутэмыкъое район хьыкумыр илъэс 51-рэ зыныбжь ШъхьакIумыдэ Руслъан иIоф хэплъагъ ыкIи Урысыем и Уголовнэ кодекс ия 159.2-рэ статья ия 4-рэ Iахь къыдэлъытэгъэ бзэджэшIагъэр зэрихьагъэу ыумысыгъ.
ЗэрагъэунэфыгъэмкIэ, сэкъатныгъэ зэрагъэуцурэ узхэм ащыщ иIэу къэзыгъэлъэгъорэ тхылъ нэпцIхэмкIэ ащ хэбзэнчъэу ахъщэ тын ыгъэпсыгъагъ. Ащ тетэу пстэумкIи сомэ миллионрэ мин 350-рэ къыратыгъ.ЩынэгъончъэнымкIэ Федеральнэ къулыкъум АР-мкIэ и ГъэIорышIапIэ къыгъэхьазырыгъэ материалхэмкIэ хэгъэгу кIоцI IофхэмкIэ Министерствэм уголовнэ Iофыр зэхифыгъ.Тэхъутэмыкъое район хьыкумым условнэ шIыкIэм тетэу илъэси 2-рэ мэзи 6-рэ пшъэдэкIыжь ыхьынэу тырилъхьагъ.