ЩынэгъончъэнымкIэ Федеральнэ къулыкъум АР-мкIэ и ГъэIорышIапIэрэ хэгъэгу кIоцI IофхэмкIэ Министерствэм экономикэ щынэгъончъэнымкIэ ыкIи къолъхьэ тын-Iыхыным пэшIуекIогъэнымкIэ игъэIорышIапIэрэ яIофышIэхэм тхылъ нэпцIхэмкIэ банкым чIыфэ къыIызыхыгъэхэр къычIагъэщыгъэх.
ЗэрагъэунэфыгъэмкIэ, Адыгеим ыкIи Ростов хэкум ащыщхэу нэбгырибл зэхахьэхи, кредит агъэпсыным пае ялэжьапкIэ зыфэдизым нахьыбэу къызщыгъэлъэгъогъэ тхылъхэр атыгъэх. Ащ къыхэкIэу чIыфэу аштэрэр къатыжьын амал яIэу банкым ылъытагъ ыкIи ахъщэ къаритыгъ.Ащ тетэу гъэпцIакIохэм сомэ миллион 28-рэ ашти зэдагощыгъ, ежьхэм зэрящыкIагъэм тетэу агъэфедагъ.Хэгъэгу кIоцI IофхэмкIэ Министерствэм следствиехэмкIэ игъэIорышIапIэ Урысыем и Уголовнэ кодекс ия 159.1-рэ статья ия 3-рэ ыкIи я 4-рэ Iахьхэм адиштэу уголовнэ Iоф къызэIуихыгъ.Мы уахътэм зэхэфынхэр макIох, бзэджэшIагъэр зэрахьаным лъапсэу фэхъугъэм игъэунэфын ыуж итых.