УФ-м СледствиехэмкIэ и Комитет следствиехэмкIэ и ГъэIорышIапIэу АР-м щыIэм очылэу цIыфхэр ыгъапцIи ахъщэшхо къаIызыхыгъэм пае УФ-м и Уголовнэ кодекс ия 159-рэ статья ия 4-рэ Iахь диштэу уголовнэ Iоф къызэIуихыгъ.
ЩынэгъончъэнымкIэ Федеральнэ къулыкъум и ГъэIорышIапIэу АР-м щыIэм иIофышIэхэм оперативнэ-лъыхъон Iофэу зэшIуахыгъэхэмкIэ материалэу къыгъэхьазырыгъэхэм къапкъырыкIхэзэ уголовнэ Iофыр къызэIуахыгъ.ЗэрагъэунэфыгъэмкIэ, 2022-рэ илъэсым мы очылым бзэджэшIэгъэ заулэ зезыхьэгъэ хъулъфыгъэм юридическэу IэпыIэгъу ритынэу зыкъыфагъэзагъ. Ащ иIахьылхэм ащыщ хэбзэухъумэкIо къулыкъухэм яоперативникхэм къуалъхьэ аритымэ, бзэджэшIагъэхэр зезыхьагъэм пшъэдэкIыжь ымыхьынэу агъэпсын алъэкIыщтэу риIуи, ыгъэпцIагъ. Хъулъфыгъэр ащ къезэгъыгъ ыкIи сомэ миллион 15 очылым къыритыгъ, ахъщэр ащ зэрэфаеу къызфигъэфедагъ.Мы уахътэм зэхэфынхэр макIох, бзэджэшIагъэр зэрэзэрихьагъэр къэзыушыхьатырэ материалхэр къаугъоих, ушъхьагъоу фэхъугъэр зэрагъашIэ.