Урысыем и Следственнэ Комитет иследственнэ ГъэIорышIапIэу Адыгэ Республикэм щыIэм УФ-м и Уголовнэ кодекс ия 205.2-рэ статья ия 2-рэ Iахь къыдилъытэрэ бзэджэшIагъэ зезыхьагъэм — терроризмэм дезыгъаштэрэм уголовнэ Iоф къыфызэIуихыгъ.
Урысыем щынэгъончъэнымкIэ и Федеральнэ къулыкъу Адыгэ РеспубликэмкIэ и ГъэIорышIапIэрэ Адыгэ Республикэм и МВД экстремизмэм пэшIуекIогъэнымкIэ и Гупчэрэ зэрахьэгъэ оперативнэ-лъыхъон Iофтхьабзэхэм атегъэпсыхьагъэу, ахэм къаIэкIэхьэгъэ материалхэм къапкъырыкIыхэзэ, уголовнэ Iофыр къаIэтыгъ.ЗэрагъэунэфыгъэмкIэ, мы илъэсым ищылэ мазэ Адыгеим ипсэупIэхэм ащыщ горэм дэс кIалэу зыныбжь имыкъугъэм Интернетыр ыгъэфедэзэ, Урысыем щамыдэрэ ыкIи экстремистскэкIэ щалъытэрэ хъытыум къыригъэхьэгъэ видеороликым къыщигъэлъэгъуагъ псэупIэхэм ащыщ горэм дэт унэхэу фэтэрыбэу зэхэтхэр, цIыфхэм яавтомобильхэр ракетэм утынэу къарихыгъэм ыпкъ къикIэу зэрэфыкъуагъэхэр. Террористхэм язекIуакIэ ащ шъхьэихыгъэу ыухыигъ, тхьамыкIагъоу цIыфхэм къафыкъокIыгъэри яфэшъуашэу ылъытагъ.БзэджэшIагъэм лъапсэу иIэмрэ IэубытыпIэхэмрэ ягъэунэфын макIо.
Урысыем щынэгъончъэнымкIэ и Федеральнэ къулыкъу Адыгэ РеспубликэмкIэ и ГъэIорышIапIэ ипресс-къулыкъу