Лицееу N 35-м икIэлэеджакIохэр Мыекъуапэ иегъэджэн-авиационнэ базэ щыIагъэх. ЗекIо Iофтхьабзэм къыдыхэлъытагъэу, ныбжьыкIэхэр быбыным зыщафагъасэхэрэ училищым имузей рагъэблэгъагъэх.
КIэлэеджакIохэм анаIэ зытырарагъэдзагъэхэм ащыщ Хэгъэгу зэошхом ТекIоныгъэр къыщыдэхыгъэнымкIэ летчикхэм яIахьышIу зэрэхэлъыгъэр. Джащ фэдэу училищым илIыхъужъхэм якъэбархэр, къухьэлъатэр зэрэзэхэтыр къафаIотагъ. Пилотым икабинэ, ишъуашэхэр зэрагъэпшэнхэ амал яIагъ.Нэужым къухьэлъатэу Миг-21-р къарагъэлъэгъугъ, изэхэтыкIэ къафаIотагъ. НыбжьыкIэхэм ясэнэхьат къыхахынымкIэ мыщ фэдэ зекIо Iофтхьабзэхэм яшIуагъэ къэкIо. Хэта зышIэрэр, авиацием зыфэзыгъэзэщтхэр ахэм къахэкIынхэкIи хъун.Шъугу къэдгъэкIыжьын, УФ-м зыкъэухъумэжьынымкIэ и Министерствэ цIыф зэрымыс быбырэ пкъыгъохэм (БПЛА) ядзэхэм ягъэпсын икIыгъэ илъэсым ыкIэхэм ригъэжьагъ. Зэзэгъыныгъэ шIыкIэм тетэу къулыкъур зыхьынэу шIоигъоныгъэ зиIэхэу Мыекъуапэ щыпсэухэрэм дзэ комиссариатэу ащ дэтым зыщарагъэтхышъущт. УпчIэ зиIэхэм зыздагъэзэшъущтыр: къ. Мыекъуапэ, ур. Комсомольскэр, 217-рэ, я 119, 102-рэ кабинетхэр, е телефонхэу: 8 (8772) 52-11-27, 52-11-25. Зэзэгъыныгъэ шIыкIэкIэ къулыкъу зыхьы зышIоигъохэм апае линие плъырыр: 117#4 ыкIи 8 (8772) 52-11-28.Джащ фэдэу шъузщыпсэурэ чIыпIэм щыIэ дзэ комиссариатым зыфэжъугъазэмэ, шъуищыкIэгъэ къэбарыр яжъугъотылIэщт. Телеграм-каналэу «Адыгея — Служу Родине» зыфиIорэм игъэкIотыгъэ къэбарыр ижъугъотэщт.