А. Гусев
1941 — 1945-рэ илъэсхэм щыIэгъэ Хэгъэгу зэошхом ТекIоныгъэр къызыщыдахыгъэр илъэс 81-рэ зэрэхъурэм фэгъэхьыгъэ шыгъачъэр жъоныгъуакIэм и 3-м Адыгэ республикэ шыкъэгъэчъапIэм щыкIощт.
Iофтхьабзэм изэхэщакIох Адыгэ Республикэм физическэ культурэмрэ спортымрэкIэ и Комитетрэ Адыгэ Республикэм шыхъунымкIэ и Ассоциациерэ. Мы мафэм шы лъэпкъышIухэр, къэбэртэешхэр ыкIи нэмыкIхэр гъогуони 7-мэ къащызэпэчъэщтых.Джащ фэдэу Адыгеим итворческэ купхэм шыкъэгъэчъапIэм зыкъыщагъэлъэгъощт, Iэпэщысэхэм якъэгъэлъэгъон-ермэлыкъ щызэхащэщт, ижъырэ лъэпкъ джэгукIэхэм нэIуасэ щафашIыщтых. КIэлэцIыкIухэм апае аттракционхэр, хоббихорсингымкIэ зэнэкъокъухэр, викторинэхэр зэхащэщтых. СатыушIыпIэхэмрэ цIыфхэр зыщагъашхэхэрэмрэ Iоф ашIэщт.Мы мафэм шы спортымкIэ еджапIэм, шы спорт клубэу «Щагъдыим» яспортсменхэм шым игъэхъушIэнкIэ яIэпэIэсэныгъэ къагъэлъэгъощт. Шыгъачъэр сыхьатыр 12-м ыныкъом рагъэжьэщт.