Урысыем и Почтэ икъутамэхэм азыныкъо нахьыбэмкIэ жъоныгъуакIэм и 1-мрэ и 9-мрэ зыгъэпсэфыгъо мэфэщтых. МаркетплейсхэмкIэ заказхэр язытыжьырэ къутамэхэм Iоф ашIэщт.Мэлылъфэгъум и 30-мрэ жъоныгъуакIэм и 8-мрэ почтэхэм сыхьаткIэ нахьыжьэу IофшIэныр аухыщт.
МэфэкI мафэхэм письмэзехьэхэм гъэзетхэр, журналхэр, письмэхэр къырахьэкIыщтхэп. Урысыем и Социальнэ фонд ишъолъыр къутамэхэм зыдырагъэштэгъэ графикым тетэу пенсиехэмрэ ахъщэ IэпыIэгъухэмрэ аIэкIагъэхьащтых.Пенсиехэр, ахъщэ IэпыIэгъухэр, письмэхэр, гъэзетхэр, журналхэр, маркетплейсхэм язаказхэр игъом цIыфхэм аIэкIэгъэхьэгъэнхэм пае почтэ заулэ нэмыкI графикым тетэу лэжьэщт.Сайтэу pochta.ru зыфиIорэмкIэ е компанием имобильнэ гуадзэкIэ шъузыфэе почтэр зэрэлэжьэщт шIыкIэр е нахь къышъупэблагъэу Iоф зышIэщтыр зыдэщыIэ чIыпIэр зэжъугъэшIэн шъулъэкIыщт.